အပါယ်တံခါး မှားမဖွင့်စေချင်…..
Print
PDF
အပင်ရှိမှ အရိပ်ရမည်
PrintPDF
ဓမ္မံ သရဏံ ဂစ္ဆာမိ
PrintPDF
ရှောင်ကွယ် ဓမ္မ အန္တရာယ်များ
“နမော တဿ ဘဂ၀တော အရဟတော သမ္မာသမ္ဗုဒ္ဓဿ”
ကျွန်ုပ်တို့သည် အ၀ိဇ္ဇာ အမှောင်ထုကြောင့် ၀ိဇ္ဇာဉာဏ်ကင်းပျောက်ကာ နိဗ္ဗာန်သို့ မျက်မှောက် မပြုနိုင်ဘဲ ရှိခဲ့သည်မှာ ဂင်္ဂါဝါလု သဲစုမကအောင် ဘုရားအဆူဆူလည်း ပွင့်တော်မူခဲ့ပြီ၊ အသင်္ချေအနန္တ ဒုက္ခသည် ဘ၀တွေလည်း စုံခဲ့ပြီ၊ မာနတံခွန် အလံထူပြီး လူ့ချမ်းသာ စကြာမင်း၊ နတ်ချမ်းသာ သိကြားမင်းနှင့် ကမ္ဘာများစွာ သက်တန်းရှည်ကြာ ဈာန်ချမ်းသာ ခံစားပြီး ဗြဟ္မာမင်းကြီး အဖြစ်နှင့်လည်း ဘ၀များစွာ ခံစားခဲ့ချေပြီ။ ရရှိထားသည့် ချမ်းသာလေး အစဉ်မြဲနေသည် အထင်တစ်လုံးနှင့် ရကျိုးမနပ်ခဲ့သည့်အဖြစ်တို့နှင့်သာ စုံခဲ့လှပေပြီ။
သာသနာနှင့်လည်းကြုံ၊ သာသနာကိုလည်း ကြိုက်နှစ်သက်ကာမှ မြတ်ဗုဒ္ဓ ဒေသနာတော်က နားထဲသို့ ရောက်ခွင့်ရကာ နှလုံးသားမှာ ဘုရားတည်နိုင်ကြ၏။ သာသနာနှင့်လည်း မကြုံ၊ ကြုံဆုံပင်ငြားသော်လည်း သာသနာတော်ကိုမကြိုက်တော့ အမှားနောက် ကောက်ကောက် ပါအောင် တောက်လျှောက်လိုက်နေရသည်နှင့် ဘုရားစကား နားမချမ်းသာ ကုလားမည်း မြက်ထမ်းသမားလို တရားနာရာ၌ ခါးလည်းပူ နာလည်းပူတွင် ခါးကိုသာအပူခံနိုင်၊ နားကိုတော့ အပူမခံနိုင်သကဲ့သို့ဖြစ်ပြီး နှလုံးသားမှာ ဘုရား၊ တရား၊ သံဃာကို ပယ်ခွင်းကြကုန်၏။
အ၀ိဇ္ဇာ- မသိမှုကြောင့် “ပေါက်တတ်ကရတွေ အတော်လုပ်တတ်တဲ့ကောင်”ဟူ၍ လောကီ အလုပ်တို့တွင် အသုံးမကျမှုတို့ကို အချင်းချင်း ကဲ့ရဲ့ခြင်းပြုကြ၏။ လောကုတ္တရာပညာရဖို့ အ၀ိဇ္ဇာ အဓိပ္ပါယ်မှာ-
- သိသင့်တာတွေကို မသိတာ အ၀ိဇ္ဇာ၊
- မသိသင့်တာတွေကို သိနေတာ သည်လည်း အ၀ိဇ္ဇာပင်ဖြစ်၏။”
သိသင့်တာတွေကို သိမထားတော့ ကိုယ်ထင်ရာ လျှောက်လုပ်တော့၏။ မသိသင့်တာ တွေကိုသာ သိထားပြန်တော့လည်း ကိုယ်လုပ်တာ အမှန်ထင်ပြီး လျှောက်လုပ်ပြန်ပါသည်။ ဘုရားစကားကို ပယ်ခွင်းမိလို့ ထိုထိုသော အမှားတွေရင်းပြီး ရရှိခဲ့သည့်အမြတ်တို့မှာ ဘ၀၏ ဒုက္ခဇာတ်လမ်း၌ ဆက်လက်ကာ သရုပ်ဆောင်နေကြရသည့်အဖြစ်နှင့် အာမငြောင်းတမ်း ဆို၊ မျက်ရည်မခန်းစတမ်း ငိုကြရပြီး ကွေးနေအောင် က၊ ဆွေးနေအောင် လွမ်းပြကြရင်း မငြီးငွေ့စတမ်း နေခဲ့ကြသည်မှာ ကမ္ဘာအသင်္ချေအနန္တ ရှိခဲ့လေပြီ။
ဒုက္ခ၏အဆုံး၊ ချမ်းသာခြင်း၏အမွန်မြတ်ဆုံးဖြစ်သည့် သန္တိသုခ(နိဗ္ဗာန်)သို့ အလျှင်မြန်ဆုံး မျက်မှောက်မပြုနိုင်အောင် တားဆီးတတ်သည့် ဓမ္မအန္တရာယ်များကို လွန်ကျူးလွန်မိခဲ့ခြင်း ကြောင့် ပါရမီတော်ဆည်းပူးခဲ့သည့် အလောင်းတော်ကြီးများပင် အာသဝေါကုန်ခန်းအောင် ကျင့်ကြံပြီးသော်လည်း လောကဓံဒုက္ခဆိုးတို့ဖြင့် ပရိနိဗ္ဗာန်ပြုကြရသည့်အဖြစ်တို့ ရှိခဲ့ကြပေ သည်။ လောကတွင် ပြောကြသည့် “အသေဆိုးလိုက်တာ”ဟူ၍ဖြစ်၏။ အသေဆိုးခြင်း၊ လှခြင်းကို ခန္ဓာကိုယ်ပျက်ယွင်းမှုနှင့် လောကလူတို့ တိုင်းတာကြခြင်းဖြစ်ပါသည်။ အမှန်မှာ ဘုရားရှင်အလိုတော်အရ ဘ၀မှန်က ဘယ်ဘ၀မှ မကောင်း၊ ဘ၀ဆုံးသည့် နိဗ္ဗာန်သာလျှင် အမွန်မြတ်ဆုံးအဖြစ် ဘုရားရှင် ဆုံးမတော်မူသောကြောင့် အာသဝေါကုန်ခန်းပြီးလျှင် ပုံစံမျိုးစုံ ဖြင့် သေ၊ ထိုသူ အသေလှသူဖြစ်၏။ သေပြီးနောက် ဘ၀ရှိနေသေးလျှင် ထိုသူ အသေမလှ သေးပေ။
အသေလှခြင်း မလှခြင်းက နောင်၊ မသေခင်ရှောင်ကြရမည့် ဓမ္မအန္တရာယ်များကိုကား နိဗ္ဗာန်မရခင် ကြားကာလ၌ သိထားကြရမည့် အချက်များဖြစ်သောကြောင့် ရှောင်သင့် သည်များကို ရှောင်၊ ဆောင်သင့်သည်များကို ဆောင်နိုင်ကြရအောင် ဤဓမ္မဆောင်းပါးဖြင့် သံသရာတစ်လျှောက် မတော်စပ်ခဲ့ဘူးသော ဆွေမျိုး၊ မတင်ခဲ့ဘူးသော ကျေးဇူးမည်သည် မရှိရိုး အမှန်ပင်ဖြစ်ခြင်းကြောင့် ထို ကျေးဇူးတရားတို့ကို ဦးညွှတ်ပြီး ကျေးဇူးဆပ် ရေးသား တင်ပြလိုက်ပါသည်။
အမှတ်(၁) ဓမ္မ အန္တရာယ်- “ကံမန္တရာယ်”
“ကောင်းတာလုပ်က ကောင်းကျိုးရ၊ မကောင်းတာလုပ်က ဆိုးကျိုးရ”သည်မှာ ဗုဒ္ဓဘာသာဝင် တိုင်း သိရှိထားကြသည့် အခြေခံသမ္မာဒိဋ္ဌိ အစဦးဆုံး အမြင်မှန်တရားဖြစ်၏။ ထိုအမြင်မှန် တရား စဦးဖြာ၍ ယုံကြည်လက်ခံမှု မရှိကြသူများမှာ အမှန်(၁)ဓမ္မအန္တရာယ်များကို ကျူးလွန် မိတတ်သည်မှာ မလွဲဧကန်သာဖြစ်ပါသည်။ ထို့ကြောင့် သာသာနာပ ကာလတို့၌ ထိုကံကို ကျူးလွန်မိကြသောကြောင့် ဘ၀အသေင်္ချေ အပါယ်ဆင်းရဲတွင် ခံစားကြရ၏။ ဘုရားရှင်တရား နာကြားခွင့် မရရှိလို့ ကံ,ကံ၏အကျိုးကို သိခွင့်မရဘဲ ကျူးလွန်မိကြသည်ကို အသာထား၊ ဘုရားရှင် ပွင့်ထွန်းချိန်တွင် သစ္စာလေးပါးတရားတွေ တသွင်သွင်ဟောကြားနေစဉ်ကာလ၌ ဘုရားရှင်ကို ကန့်လန့်တိုက်သည့် အရှင်ဒေ၀ဒတ်လို ပစ္စေကဗုဒ္ဓအလောင်းအလျာသည်ပင် ဘုရားနားကပ်၍ မိုက်ခဲ့မိလို့ ယခု အ၀ီစိတွင် ခံစားလို့ နေရချေပြီ။
မဂ်ဖိုလ်ကို တားမြစ်သည့် ထို အမှတ်(၁) ဓမ္မအန္တရာယ်တို့မှာ ပဉ္စာနန္တရိယကံ (၅)ပါးတို့ ဖြစ်ကြ၏။ ၎င်းတို့မှာ-
(၁) မာတုဃာတက = အမိကို သတ်သောကံ၊
(၂) ပိတုဃာတက = အဖကို သတ်သောကံ၊
(၃) ရဟန္တဃာတက = ရဟန္တာအရှင်မြတ်ကို သတ်သောကံ၊
(၄) လောဟိတုပ္ပါဒက = ဘုရားရှင်အား သွေးစိမ်းတည်အောင် ပြုမိသောကံနှင့်
(၅) သံဃဘေဒက = ဘုရားသား သံဃာတော်များအား အချင်းချင်း ညီညွတ်မှုမရှိအောင် သံဃာဂိုဏ်းခွဲသောကံ တို့ဖြစ်ကြ၏။
ထိုငါးပါးသောကံတို့တွင် သံဃာဂိုဏ်းခွဲသောကံကို လူတို့မကျူးလွန်နိုင်၊ ဘုရားသားတော်များ ချင်းသာ ကျူးလွန်နိုင်သောကံဟု မှတ်သားသိရှိရပါသည်။ အကြောင်းမှာ သံဃာတော်များ သိမ်တော်အတွင်း ဒေသနာကြား၊ ဥပုသ်ပြုကြရာ၌ ကျောင်းရှိ သံဃာတော်များ အညီအညွတ် ပြုလုပ်ကြသည်တွင် ညီညွတ်မှုမရှိဘဲ သံဃာအချင်းချင်း ဂိုဏ်းကွဲအောင် လုပ်ခြင်းမျိုး ဖြစ်ကြောင်း ကျေးဇူးရှင်ဆရာတော်ဦးဇ၀န၏တရားမှ မှတ်ချက်စကား နာကြားခဲ့ရပါသည်။ ဆရာ့စကားလည်း ထောက်ခံ၊ လွန်ပို၍နာခံတတ်ကြစေရန် အကြံပြုလိုသည်မှာ လူတို့လုပ်က ထိုကံ မဟုတ်ဟု မမှတ်ယူမိကြစေရာ၊ မကျူးလွန်မိဖို့သာ သတိတရား လက်ကိုင်ထား၍ ရှောင်ရှားသင့်ပါပေသည်။
ပဉ္စာနန္တရိယကံ ကျူးလွန်မိ၍ ဒုက္ခတွေ အလူးအလဲ ခံ၊ မဂ်ဖိုလ်ကို တော်လှန်မိကြသည့် ပုဂ္ဂိုလ်တို့၏ သာဓကများမှ ပမာတစ်ခု ပြရပါလျှင် ဘုရားရှင်လက်ထက်က အဖသတ်သား မင်းတရား အဇာတသတ်မင်းကြီးကို ပြဆိုပါမည်။ မင်းကြီးသည် “သာမညဖလသုတ်”- ရဟန်းပြုရခြင်း၏ အကျိုးတရားတွေကိုပြဆိုသော တရားတော်ကြီးကို နာကြားပြီးမှ အမြင်မှန်ရရှိကာ သူတော်ကောင်းဘ၀ ရောက်ရှိခဲ့သူဖြစ်ပြီး သာသနာတော်စည်ပင်ကြောင်း အတွက် ပထမသင်္ဂါယနာတင်ရန် ထောက်ပံ့ပေးနိုင်ခဲ့သော မင်းတရားကြီးဖြစ်ခဲ့၏။ သာမည ဖလသုတ် တရားတော်ကို နာကြားပြီးနောက် ပုထုဇဉ်ပုဂ္ဂိုလ်တို့၌ ဘုရားရှင်အား ကြည်ညိုကြ သော ဒကာ ဒကာမတို့တွင် အမြတ်ဆုံး၊ အသာဆုံးသူ ဖြစ်ခဲ့၏။ အဖကို နန်းချ၍ မင်းအဖြစ် အတင်းလုပ်ကာ အဖခြေဖ၀ါးကို ဓားဖြင့်ခွဲ၊ အစာငတ်အောင်ထားပြီး ရက်ရက်စက်စက် သတ်ခဲ့ခြင်း ပဉ္စာနန္တရိယကံကြီးကို ကျူးလွန်မိခဲ့သောကြောင့် သာမညဖလသုတ် နားကြားပြီး လျှင် သောတာပန်တည်နိုင်လောက်သည့် ပါရမီရှိထားသော်လည်း မဂ်ဖိုလ်နှင့် လက်တစ်ကမ်းအလိုတွင် ထို ပဉ္စာနန္တရိယကံ မဟာတံတိုင်းကြီး ကာဆီးထားခြင်းကြောင့် မဂ်ဖိုလ်နှင့်ဝေးကာ သေပြီးနောက် အပါယ်ဘုံဒုက္ခဘေးသို့ ကျရောက်ရ ရှာလေသည်။
မြတ်စွာဘုရားရှင်က ကယ်တင်ရှင်လည်း မဟုတ်သော၊ ဖန်ဆင်းရှင်လည်း မဟုတ်သော၊ ကိုယ့်အလုပ် ကိုယ်ပြီးအောင်လုပ်တတ်ဖို့သာ လမ်းညွှန်ပေးတော်မူသော အရှင်ဖြစ်၏။ ဘုရားရှင်၏ဆုံးမစကားအတိုင်း ကိုယ့်ပြုသည့်ကံ ကိုယ်ထံပြန်လာခြင်းကြောင့် ပဉ္စနန္တရိယကံ ကျူးလွန်မိသူဖြစ်လျှင် မည်သူမဆို ထိုအတိုင်း အကျိုးပေးခြင်းဖြစ်၏။ ထိုအတိုင်း ခံစားရမည်သာဖြစ်၏။ ဤကဲ့သို့ မဂ်ဖိုလ်ကိုလည်း တားမြစ်၊ အပါယ်သို့လည်း ချပစ်တတ်သည့် အမှတ်(၁) ဓမ္မ အန္တရာယ်ကြီးကို ပမာထုံး နှလုံးမူပြီး လူ့အဖြစ် မရှုံးရအောင် ရှောင်ကြဉ်နိုင်ကြ သည့်အပြင် မိဘကျေးဇူးကိုလည်း ဆပ်၊ သံဃာတော်အရှင်သူမြတ်တို့ကိုလည်း ထောက်ပံ့ ကြပြီး အိမ်တွင်း၌ ဘုရားရှင်ကြွရောက်နေသလို ဆွမ်း ပန်း ရေချမ်း၊ ဆီမီး ခဲဖွယ် အသွယ်သွယ်တို့ဖြင့် သူ့အချိန်နှင့်သူ လှူဒါန်းဆက်ကပ်ပြီး အထူးထူးသော ကုသိုလ်မြတ် တို့ကို လက်မလွတ်စတမ်းအရယူကာ သာသနာနှင့် တွေ့ကြုံကျိုးနပ်သူများဖြစ်အောင် ကျင့်ဆောင်ကြပါလေ။
အမှတ် (၂) ဓမ္မ အန္တရာယ်- “ကိလေသန္တရာယ်”
ကိလေသ ရန်စွယ် ခပင်းမကျန်အောင် ပယ်ခွင်းပြီးမှ ဇာတိဇာတ်က ရပ်တန့်မည်ဖြစ်၏။ ကိလေသာဆယ်ပါးမှ မဂ်ဖိုလ်ကို အဓိကတားဆီးသည့် အမှတ်(၂) ဓမ္မ အန္တရာယ်ကြီးမှာ အယူမှားသည့် ဒိဋ္ဌိကိလေသာတရားပင်ဖြစ်၏။ ဒိဋ္ဌိ (၃၂) မျိုးရှိရာတွင် ခြုံငုံ၍သိထားသင့်သည့် ဒိဋ္ဌိတို့ကိုသာ ဖော်ပြပေးပါမည်။ ၎င်းတို့မှာ-
(၁) သက္ကာယဒိဋ္ဌိ = ခန္ဓာငါးပါး ပရမတ္ထတရားဖြစ်သော ရုပ်၊ နာမ်တရားတို့ကို “ငါ၊ သူတစ်ပါး၊ ယောက်ျား၊ မိန်းမ၊ ဒူး၊ ပေါင်၊ ခါး၊ ခြေ၊ လက်၊ သား၊ သမီး၊ မြေး၊ မြစ်”ဟု အမြင်မှားခြင်း။
(၂) သဿတဒိဋ္ဌိ = ခိုင်သည်၊ မြဲသည်၊ တည်သည်၊ တန့်သည်၊ ဘ၀ကူးသည်၊ ဘ၀ဆက် သည်၊ အသက်ဆက်သည်၊ လိပ်ပြာခွဲသည်၊ လိပ်ပြာခေါ်သည်၊ လိပ်ပြာစင်သည်၊ ကူးတို့ခ ထည့်သည်ဟု အယူဝါဒရှိခြင်း။
(၃) ဥစ္ဆေဒဒိဋ္ဌိ = ပြတ်သည်၊ စဲသည်၊ ယခုဘ၀ သေပြီးလျှင် နောင် ဘာမှ မဖြစ်တော့ဘူးဟူ၍ အယူမှားခြင်း။
(၄) နိယတမိစ္ဆာဒိဋ္ဌိ = စွဲစွဲမြဲမြဲ သေသည်အထိ ယူထားသော အယူရှိသည့် နိယတမိစ္ဆာဒိဋ္ဌိ သုံးမျိုးရှိပါသည်။ ၎င်းတို့မှာ-
(က) နတ္ထိကဒိဋ္ဌိ = ဘာလုပ်လုပ် အကျိုးတရားမရှိဟု ယူဆခြင်း (ကောင်းကျိုး၊ ဆိုးကျိုး တစ်စုံတစ်ရာ မရှိဟူ၍ ယူခြင်း)။
(ခ) အဟေတုကဒိဋ္ဌိ = အကြောင်းတရားလည်း မရှိ၊ ကံတရားလည်း မရှိဟု ယူဆခြင်း (အကြောင်းကံကို ပယ်သောအယူ)။
(ဂ) အကိရိယဒိဋ္ဌိ = ကုသိုလ်၊ အကုသိုလ်မရှိဟု ယူဆခြင်း (ကောင်းမှုပြုသော်လည်း ပြုသည် မမည်၊ မကောင်းမှုပြုသော်လည်း ပြုရာမရောက်ဟု ယူသောအယူ) တို့ ဖြစ်ကြပါသည်။
ထို အမြင်မှား၊ အယူမှား ဒိဋ္ဌိတရားများက မဂ်ဖိုလ်ကို တားဆီးကြ၏။ ထို့ကြောင့် ကျေးဇူးရှင် မိုးကုတ်ဆရာတော်ဘုရားကြီးက “တရား နောက်မှ အားထုတ်၊ ဒိဋ္ဌိ အရင်ဖြုတ်”ဟူ၍ ကရုဏာတရား ရှေ့ထား၍ ဆုံးမထားခဲ့ခြင်းဖြစ်၏။ မဟာကရုဏာရှင် မြတ်စွာဘုရားကလည်း ဒိဋ္ဌိကို အရင်ဦးစွာဖြုတ်ကြရန် ဥပမာပြ ဆုံးမတော်မူပုံမှာ- “ချစ်သား ချစ်သမီးတို့၏ ဦးခေါင်းထက်၌ မီးလောင်စွဲနေသည်ရှိသော် ထိုမီးသည် အဘယ်အရပ်၊ အဘယ်နေရာက ကူးစက်လောင်စွဲသည်ကို ခဏအသာထား၊ အရင်ဦးစွာ မီးကိုသာ ငြိမ်သတ်ဖို့ အားထုတ်ရ မည်” ဟူ၍လည်းကောင်း၊ “ချစ်သား ချစ်သမီးတို့၏ရင်ဝ၌ လှံစူးဝင်သည်ရှိသော် အဘယ် အရပ်၊ အဘယ်နေရာကလာပြီး စိုက်ဝင်လာသည်ကို စုံစမ်းရန် အသာထား၊ ဦးစွာ ရင်ဝတွင် စိုက်နေသော လှံကိုနှုတ်ပြီး ကုသရမည်”ဟူ၍ဖြစ်၏။
အမှတ် (၃) ဓမ္မ အန္တရာယ်- “၀ိပါကန္တရာယ်”
ဝိပါက၀ဋ်သည် အကျိုးပေး ဒုက္ခသစ္စာဖြစ်၏။ နိဗ္ဗာန် မရောက်မခြင်း နောက်ကနေ ထက်ကြပ်လိုက်နေပြီး အခါအခွင့်သင့်တိုင်း အကျိုးပေးနေတတ်သည့်သဘော ဖြစ်ပါသည်။ ဒုက္ခဖြစ်ကြောင်း သမုဒယသစ္စာကြောင့် အကျိုးပေးဒုက္ခသစ္စာရရှိခြင်းသည် အခြားသူ မဆိုထားနှင့် ဘုရားရှင်ကိုယ်တော်မြတ်ကြီးပင် “၀ိပါက်ကြမ္မာ မနေသာ”နိုင်ဘဲ ၀ိပါက်တော် (၁၂)ပါး အကြွေးကို တစ်ခုချင်း ကျေအောင် ပေးဆပ်တော်မူရလေသည်။
ထိုသို့ သံသာရ ၀ဋ်ဒုက္ခ နိဗ္ဗာန်မရမခြင်း လည်ကြရသည့် ထိုဒုက္ခ စက်ရဟတ်ကြီးသည် လောင်စာမီး တဏှာငြိမ်းမှ ဘ၀ဇာတ် အပြီးတိုင်သိမ်းပြီး ချုပ်ငြိမ်းကြရမည်ဖြစ်၏။ ထို့ကြောင့် ဘ၀ဇာတ် မသိမ်းသေးခင်မှာတော့ ၀ိပါက၀ဋ် နောက်ကပါနေဦးမည်သာ။ ဘုရား၊ ရဟန္တာ အရှင်မြတ်များ၌ ကိလေသာ အာသဝေါတရား ကုန်ခန်းသော်လည်း ၀ိပါက၀ဋ် မကုန်သေးခြင်းမှာ ခန္ဓာကိုယ် အကြွင်းရှိနေသေးသောကြောင့် ဖြစ်ပါသည်။ စာလိုအားဖြင့် သဥပါဓိသေသ နိဗ္ဗာန် (ခန္ဓာကိုယ်အကြွင်းရှိသောနိဗ္ဗာန်)သာ ရရှိထားသောကြောင့် ဖြစ်ပါသည်။ ခန္ဓာကိုယ် အကြွင်းမရှိတော့သော(အဏုပါဓိသေသနိဗ္ဗာန်) ရရှိမှသာ ဒုက္ခအားလုံးရပ်ပြီး အငြိမ်းကြီး ငြိမ်းတော်မူနိုင်ကြလေကုန်၏။ ခန္ဓာရှိနေသေးလျှင် ၀ဋ်ဒုက္ခရှိနေသေး၏။ ဘုရား၊ ရဟန္တာတို့ သည် ကိလေသာမရှိခြင်းကြောင့် နောင်ခန္ဓာ မလာနိုင်တော့ပေ။ ထိုသို့ ပရိနိဗ္ဗာန်ပြုပြီးမှ အငြိမ်းဓာတ် ကိန်းနိုင်ကြသော်လည်း ပရိနိဗ္ဗာန်မပြုခင်၌ ကိုယ်သာနာ၍ စိတ်မနာကြတော့ဘဲ ကျန်ရှိသည့် ၀ိပါက၀ဋ်ကို ခန္ဓာဖြင့် ၀ဋ်ကြွေးဆပ်ရ၏။
ဝိပါက၀ဋ်တို့၌ ယခုဘ၀ တရားမရနိုင်သည့် အမှတ် (၃) ဓမ္မ အန္တရာယ်ကြီးမှာ မိခင်ဝမ်း၌ သန္ဓေတည်ကတည်းက ပညာဉာဏ်- အမောဟဟိတ် မပါခဲ့ခြင်းပင်ဖြစ်သည်။ ထို အန္တရာယ် ကြီးမှာ ယခုဘ၀ နိဗ္ဗာန်ရရေး ရှောင်ရှားလို့ ရနိုင်သည့်အရာ မဟုတ်ပါပေ။ စာလိုအားဖြင့် ဒွိဟိတ်ပုဂ္ဂိုလ်လို့ ခေါ်ပါသည်။ ၎င်း၌ အလောဘဟိတ်နှင့် အဒေါသဟိတ်များရှိပြီး သာမန်အား ဖြင့် လောကီပညာအရာတွင် တိဟိတ်ပုဂ္ဂိုလ်နှင့် သိပ်မကွာလှဘဲ လောကုတ္တရာပညာအရာ၌ ပရမတ္ထသဘောတရားတွေကို ဒွိဟိတ်ပုဂ္ဂိုလ်တို့က နားမလည်နိုင်ကြောင်း မှတ်သားသိရှိရ ပါသည်။ စာရေးသူအနေအားဖြင့် ဒွိဟိတ်နှင့် တိဟိတ် ခွဲခြားကာပြဖို့အရေး အလွန်ပင် ၀န်လေး လှသည့်အတွက် ခွဲခြားကာ မပြတော့ပြီ။
ဆောင်ရမည့်အရေးတို့ကိုသာ အတိုးချကာ ကြိုးစားသင့်ကြောင်း အကြံပြုလိုသည်မှာ မိမိသည် ဒွိဟိတ် တိဟိတ် ဘယ်ဟိတ်များဖြစ်ပါလိမ့်ဟု ကိုယ့်ကိုယ်ကို မေးမနေသင့်။ ငါတော့ဖြင့် ဒွိဟိတ် ပုဂ္ဂိုလ်ဖြစ်လို့ တရားအားထုတ်လည်း အလကား၊ မရဖို့သာ များသည်ဟူ၍ လက်မှိုင်ချ ငေးမောနေရန်လည်း မနေသင့်။ လုပ်သင့်သည်မှန်သမျှတို့ကို ပညာရှိတို့ မှာကြားသည့်အတိုင်း တစ်တပ်တစ်အား ကြိုးစားကာ ကျင့်ကြံကြရပါမည်။ တစ်နည်းအားဖြင့် ဥပမာပြရပါလျှင် သစ်တုံးကြီးကို လွှဲဖြင့် ပိုင်းဖြတ်ရာ၌ “ပြတ်တာက သူ့အလုပ်၊ ဖြတ်ရမှာက ကိုယ့်အလုပ်”၊ ထိုနှစ်လုပ် ကွဲကွဲပြားပြားသိရှိကာ ကိလေသာပါးပြီးကင်းအောင် ဒါနကိုလည်း ပြု၊ သီလကို လည်း ဆောက်တည်၊ သမထ ၀ိပဿနာ ဘာဝနာတရားတို့ကိုလည်း ကြိုးကြိုးစားစား ကျင့်ကြံပွါးများ အားထုတ်ပါလျှင် အနာဂတ် မဝေးသောကာလတွင် နိရောဓသစ္စာကြီးကို အမှန်ပင် မြင်ရလိမ့်မည်ဟု ယုံကြည်စွာအားထုတ်ကြရပေမည်။
အမှတ် (၄) ဓမ္မ အန္တရာယ်- “အရိယူပ၀ါဒန္တရာယ်”
အရိယာပုဂ္ဂိုလ် မဆိုထားနှင့်၊ မည်သူ့ကိုမျှ ပြစ်မှားစော်ကားလိုသောစိတ်များ မဖြစ်အောင် နေထိုင်ကျင့်ကြံသင့်၏။ နှုတ်ဖြင့်လည်း မပြုနှင့်၊ ကိုယ်ဖြင့်လည်း မပြုလေနှင့်။ ရန်ကိုရန်ချင်း မတုံ့ပြန် မိကြစေနှင့်။ ရန်စတွေ ပျိုးနေကြလို့ ငြိမ်းခွင့်မရသည့် ဒုက္ခတရားတွေကို သံဝေဂ ဉာဏ်ဖြင့်ကြည့်ရှုကာ အမြဲဆင်ခြင်သင့်လှ၏။ ရန်မလိုမှ ရန်ပြိုမည်၊ ရန်ပြိုမှ အေးချမ်းမည်ဖြစ် သည်။
မာနဖြင့် ထောင်လွှား၊ ဒိဋ္ဌိဖြင့် မိုက်မှားကာ အချင်းချင်း ပြစ်မှားကြခြင်းတွေနှင့် တစ်ဖက်က ရန်မခင် တစ်ဖက်သတ် ရန်ဆင်မိခြင်းတွေကြောင့် ကိုယ့်ကာယကံ ကိုယ့်ထံပြန်၊ ကိုယ်ဝစီကံ ကိုယ်ထံပြန်၊ ကိုယ့်မနောကံ ကိုယ်ထံပြန်သည့် ဒုက္ခတွေသာ ရရှိနေကြရ၏။ ထိုကဲ့သို့ တစ်ဖက်သားကို ပြစ်မှားမိကြရာ၌ အရိယာပုဂ္ဂိုလ်တို့ကိုများ ပြစ်မှားစော်ကားမိလိုက်လျှင်ဖြင့် တောင်းပန်ခွင့်မရလိုက်ပါက ကြီးလေးလှသည့် အမှတ် (၄) ဓမ္မ အန္တရာယ်ကို လွန်ကျူးမိတော့၏။ အရိယာပုဂ္ဂိုလ်တို့ကို ပြစ်မှားမိခြင်း ထို အရိယူပ၀ါဒကံကလည်း မဂ်ဖိုလ်ကို တားမြစ်သည့် ကံကြီးပင်ဖြစ်တော့၏။ သို့သော် အရိယာသူတော်စင်အား ပြစ်မှားမိလို့ တောင်းပန်လျှင်ကား ကျေအေးကင်းပျောက် မဂ်ဖိုလ်ကို ရခွင့်ရှိနိုင်ပေသည်။
အရိယာပုဂ္ဂိုလ်ရယ်မှ မဟုတ်၊ မည်သူ့ကိုမျှ မပြစ်မှားမိအောင် နေနိုင်လျှင် အကောင်းဆုံးပင် ဖြစ်ပါသည်။ တရားစခန်းများတွင် လေ့ကျင့်ပေးသည့် ကျေးဇူးရှင်ကြီးများအား ပြစ်မှားမိခဲ့သော အပြစ်တို့ ရှိနေပါလျှင် မဂ်ဖိုလ်ကို တားဆီးနေမည် စိုးသောကြောင့် တရားမရှုမှတ်ခင်တို့၌ အရင်ဦးစွာ ဦးခိုက်တောင်းပန်ကြသည့် အလေ့အကျင့်မှာ မွန်မြတ်လှပေ၏။ ည အိပ်ယာ ၀င်ခါနီးတိုင်း ထိုအတိုင်း ပြုကျင့်နိုင်က ပို၍ ကောင်းပေသည်။ နေ့စဉ်ဝတ်ပြု၍ သံသရာက တွေ့ကြုံခဲ့ရသော ဘုရား၊ ရဟန္တာအစဖြာသော ကျေးဇူးရှင်ခင်ပွန်းကြီးဆယ်ပါးတို့နှင့် ယခုဘ၀ တွေ့ကြုံရသည့် ထိုကျေးဇူးရှင်ကြီးတို့အပေါ်၌ ကာယကံ၊ ၀စီကံ၊ မနောကံ တစ်ပါးပါးသော ကံတို့ဖြင့် ပြစ်မှားစော်ကားမိခြင်းများ ရှိနိုင်သည်ဖြစ်ခြင်းကြောင့် လက်ဆယ်ဖြာမိုး မာန်ကိုချိုး၍ ဦးညွှတ်ကန်တော့ကြရာ၏။
အရိယာသူတော်စင်တို့ကို ပြစ်မှားမိခြင်းကြောင့် ရရှိသောဆိုးကျိုးတို့မှာ လွန်စွာကြီးမားလှ၏။ စိဉ္စမာန အမျိုးသမီးသည် အမှန်မဟုတ် ပုံသဏ္ဌာန်လုပ်၍ ဘုရားနှင့် ကိုယ်လေးလက်ဝန်ဖြစ်ရ ပါသည်ဟု လူဘုံအလယ်ထဲတွင် ဘုရားရှင်အား အရှက်ခွဲခဲ့ခြင်းကြောင့် မြေမျိုခံရခြင်း၊ အရှင် ဒေ၀ဒတ်သည် ဘုရားရှင်အား ကျောက်မောင်းဆင် သတ်ခဲ့ရာ၌ ကွဲအက်သည့် ကျောက်စ မှန်ကာ ဘုရားရှင်၏ခြေမ,တော် သွေးစိမ်းတည်ခဲ့ခြင်းကြောင့် မြေမျိုခံရခြင်း၊ ဘုရားရှင်၏ ယောက္ခမတော်ဟောင်း သုဗ္ဗဗုဒ္ဓသာကီဝင်မင်းကြီးသည် ဘုရားရှင် ဆွမ်းခံကြွရာ အ၀င်လမ်း တို့တွင် သေသောက်ကျူး ငမိုက်သားတို့ကို ဘုရားရှင်အား မူးရစ်ရမ်းကားစွာ ဆဲရေးတိုင်ထွာ ခြင်းပြုရန် ခိုင်းခဲ့သောကြောင့် မြေမျိုခံရခြင်း၊ နန္ဒကဘီလူးသည် လက်ယာရံ အဂ္ဂသာဝက အရှင်သာရိပုတ္တရာ ကိုယ်တော်မြတ်ကြီး ဖလသမာပတ် ၀င်စားတော်မူနေချိန်တွင် ဦးခေါင်းကို လက်ဖြင့်ရိုက်ပုတ်မိခြင်းကြောင့် မြေမျိုခံရခြင်း၊ နန္ဒလုလင်သည် ရဟန္တာဘိက္ခုနီအရှင်မ ဥပလ၀ဏ်ကို ရာဂစိတ်ဖြင့် မိစ္ဆာစာရ ကျူးလွန်ပြစ်မှားမိခြင်းကြောင့် မြေမျိုခံရခြင်းတို့သည် အရိယာပုဂ္ဂိုလ်မြတ်တို့အား ပြစ်မှာမိခြင်းကြောင့် ဘုရားရှင်လက်ထက်တော်၌ အထင်အရှား ဖြစ်ခဲ့သော အရှင်လတ်လတ် မြေမျိုခံခဲ့ကြရသည့် သာဓကတို့ပင်ဖြစ်၏။
အရိယာပုဂ္ဂိုလ်တို့အား ပြစ်မှားမိခြင်းကြောင့် ရရှိသော ဆိုးကျိုးဆယ်မျိုးကိုလည်း အောက်ဖော်ပြပါလင်္ကာဖြင့် မှတ်သားကြပါလေ-
“အရိယာဇာတ်၊ ပုဂ္ဂိုလ်မြတ်ကို၊ ပြောတတ်ပြစ်ဆို၊ အညစ်ပို၍၊ မလိုရန်ငြှိုး၊ ထိုသူမျိုး၌၊ ဆယ်မျိုးပြစ်ဒဏ်၊ ရမြဲမှန်ခဲ့၊ သွေးအန်ဖြစ်လွယ်၊ ရောင်းဝယ်ရှုံးခြင်း၊ ချို့ယွင်းအင်္ဂါ၊ ရူးကြဖောက်ပြန်၊ ကြမ်းတမ်းစွပ်စွဲ၊ သေကွဲသားချင်း၊ ပျက်ခြင်းစည်းစိမ်၊ နေအိမ်မီးလောင်၊ ဒုက္ခဘောင်သည်၊ လူ့ဘောင်ဒိဋ္ဌ၊ တွေ့ကြုံရ၍၊ သေကမလွဲ၊ ပါယ်ငရဲဝယ်၊ ကမ္ဘာစွဲခဲ့၊ ရောက်ဆဲ လူ့ပြည်၊ တက်ပြန်လေသော်၊ ကျက်သရေမွဲ၊ မဂ်ဖိုလ်လွဲ၍၊ အမြဲကြမ္မာ၊ ၀ဋ်ကြောင်းပါသည်၊ ရှောင်ရန် ဓမ္မ အန္တရာယ်တည်း။”
အမှတ် (၅) ဓမ္မ အန္တရာယ်- “အာဏာ ၀ီတိက္ကမန္တရာယ်”
မြတ်စွာဘုရားရှင်၏ အာဏာစက်သည် အနန္တစကြာဝဠာသို့တိုင် တည်တော်မူပေသည်။ ဘုရား သားတော်များအနေဖြင့် ဘုရားရှင်က ၀ိနည်းတော်ကို ဒီအတိုင်း စောင့်ထိန်းကြရမည်ဆိုလျှင် ဒီအတိုင်းသာ လိုက်နာကြ၏။ ဟိုလိုလေး လုပ်ခွင့်ပေးပါလို့ အတွန့်မတက်ကြပေ။ အတွန့်တက်ခဲ့သော ရဟန်းဆိုးများ ရှိခဲ့ခြင်းကြောင့် သာသနာတော် ထက်ခြမ်းကွဲခဲ့သည့် ဖြစ်ရပ်မှန်ကြီးကလည်း ယခုထက်တိုင် ဂယက်ရိုက်ခတ်နေပေသည်။
ဘုရားရှင် ပရိနိဗ္ဗာန်ပြုပြီးနောက် နှစ်တစ်ရာ အကြာတွင် သံဃာတော်တစ်သောင်း စုပေါင်း၍ သိက္ခာတော် ၂၂၇ သွယ်မှ လျှော့ပါရန် အဓမ္မ၀ါဒ(၁၀)ချက်တို့ကို တင်ပြကာ တောင်းဆို လာကြရာ အရှင်မဟာယသ ကိုယ်တော်ကြီးဦးဆောင်၍ ရဟန္တာတစ်သိန်းတို့ဖြင့် ဒုတိယ သင်္ဂါယနာတင်တော်မူခဲ့ကြပြီး ထိုအရှင်ဆိုးများစွာတို့ကို မောင်းထုတ်ကာ ပြည်နှင်လိုက်ကြ ပေသည်။ ထိုအချိန်၌ အဓမ္မ၀ါဒအယူ သံဃာတို့က သူ့ဘာသူ မဟာသံဃိကဂိုဏ်းဟူ၍ အမည်သမုတ် ဂုဏ်ရောင်ထုတ်ပြီး ၀ိနည်းတော်(၁၀)ချက်တို့ကို ပယ်ဖြုတ်ကြကာ ယခုအခါ မဟာယာနဗုဒ္ဓဘာသာဟူ၍ ထင်ရှားစွာတည်ရှိနေလေသည်။
ဗုဒ္ဓဘာသာ နှစ်ဘာသာမရှိ၊ ဘုရားသား ဧကန်မှန်လျှင် တစ်သားတည်းသာ ရှိနေရပေမည်။ ဘုရားစကားတော်တို့အား ပြင်လို ပြင်၊ စွက်လို စွက်၊ ဖြည့်လိုလျှင် ဖြည့် လုပ်နေကြပါလျှင် ငါလည်းပဲဘုရားလုပ်ချင်နေကြသည့်သဘောသာ ဖြစ်နေပေသည်။ တုနှိုင်းမဲ့ဘုရားရှင်၏ သားတော်အစစ်ဖြစ်ပါလျှင်ကား ဘုရားမှာရာ တသွေမတိမ်း စောင့်ထိန်းကာနေကြရမည်ဖြစ် သည်။ သို့မှသာ မဂ်ဖိုလ်အရေးက တွေးလေတိုင်း မဝေးနိုင်တော့ဘဲ ကျင့်နိုင်သလောက် ခရီးပေါက်ကာ လူတို့ထက် အမြန်ဆုံးရောက်မည်ဖြစ်၏။
ဘုရားသားတော်များအနေဖြင့် အမှတ် (၅) ဓမ္မ အန္တရာယ်ကြီးကို ကျော်ဖြတ်ကာ ခရီးနှင်နိုင် ရပါမည်။ ဘုရားသား သံဃာတော်များသည် ကျူးလွန်လိုသောစေတနာဖြင့် ဘုရားတားမြစ် ထားသည့် ၀ိနည်းတော်(စည်းကမ်း)တို့ကို ဖောက်ဖျက်မိကြခြင်း၊ ကျူးလွန်မိသော အပြစ်(အာပတ်)တို့ကို ဒေသနာကြားခြင်း(အာပတ်ဖြေခြင်း) မပြုလုပ်ဘဲနေခြင်းတို့ကြောင့် မဂ်ဖိုလ်ကို တားမြစ်ခံကြရခြင်းဖြစ်၏။ ရဟန်းတော်များသည် လူတို့ထက် မဂ်ဖိုလ်နှင့်နီးကြောင်း သိက္ခာတော်မြတ်တို့ဖြင့် ပါရမီဖြည့်ခွင့် ရရှိကြသလို မဂ်ဖိုလ်နှင့်ဝေးကြောင်း အပြစ်တို့ကို လွန်ကျူးမိ၍ အာပတ်မဖြေနိုင်ကြပါလျှင်လည်း လူတုိ့ထက်ပင် မဂ်ဖိုလ်နှင့် ဝေးလှ၏။
ကျူးလွန်လိုသောစေတနာဖြင့်မဟုတ်ဘဲ ခေတ်အခါအခြေအနေသဘောအရ ရှေးကလို ခြေလျင်ကြွမြန်းကြကာ လိုရာခရီးသွားကြတာမဟုတ်တော့ ယာဉ်စီး၍သာ သွားကြရာ၌ ၀တ္ထုငွေ ကိုင်ကြရ၏။ ထိုသို့သောအာပတ်တို့ကို သေးငယ်သည် မထီသဘောဖြင့် ဒေသနာ ကြားရန်မလိုဟု သဘောထားကာ မနေကြရပါဘုရား။ မြို့ထဲသို့ ကြွကြရာ၌ ဟကွဲကာ ၀တ်ဆင်ထားသည့် မြန်မာမ, ကပြားတို့ကိုမြင်လျှင် သံဝေဂ,သာ နိုင်နိုင်ပွါးကြပါကုန်ဘုရား။ မာတုဂါ မှန်သာမှန်လျှင် ခရီးအတူ မသွားကြရန်နှင့် တစ်မိုးအတူ မအိပ်ကြစေရာ။ လူတို့ အကြိုက်သာ လိုက်နေရလျှင်ဖြင့် ၀ိနည်းတော်အဖော်မထားသလိုဖြစ်ပြီး ကြာလာလျှင် အာပတ်တွေ တစ်ပုံတစ်ပင် မဖြစ်ရအောင် နေ့စဉ်သာဒေသနာကြားကြပါကုန်ဘုရား။
ဆရာနှင့်ဒကာဆိုသည်မှာ မဂ်ဖိုလ်ကို အတူရကြဖို့အရေး “ကျွန်းကိုင်းမှီ၊ ကိုင်းကျွန်းမှီ” ဆိုသလို အပြန်အလှန် မှီနေကြရသည်ဖြစ်ခြင်းကြောင့် သတိတရား အခါခါပွါးနိုင်ပါမှ မဂ်ဖိုလ်ကို အတူတက်လှမ်းနိုင်ကြမှာပါဘုရား။ ခေတ်လူတွေ ပြောမရ,ဆိုမရဟူ၍ လစ်လျူရှု ပစ်မထားကြဘဲ ဘုရားဆုံးမ,ထားသည့်အတိုင်းသာ အားမနာတမ်းဆုံးမ၍ မကြိုက်လျှင်လည်း မတတ်နိုင်၊ သာသနာတော်အရေးအတွက်မို့ အမှန်အတိုင်း မည်သူ့မျှ မငဲ့ကွက်ဘဲ ခတ်ပြတ်ပြတ် ဟောတော်မူကြပါဘုရား။ သည့်အပြင် ထိုအရေးမှာ ဆရာဒကာတို့၏ ကျင့်နှစ်ဖြာညီမျှကြမှ အချင်းချင်းမှီနိုင်ကြမည်ဖြစ်ခြင်းကြောင့် တွဲလက်ချင်း မဖြုတ်တမ်း ခိုင်အောင် မြဲမြံစွာ ရှိထားကြရပါမည်။
နိဗ္ဗာန်သို့တူရူ မကွေ့မကောက် ဖြောင့်တန်းစွာလျှောက်နိုင်ကြအောင် မဂ်ဖိုလ်အား ထားဆီးကြ မည့် ဆိုခဲ့သည့် ဓမ္မ အန္တရာယ်ကြီးတို့ကို သတိဝီရိယကြီးစွာရှောင်ရှားကြ၍ ဆောင်ထားရမည် တို့ကိုလည်း သဒ္ဓါ၊ သတိ၊ သမာဓိ၊ ၀ီရိယာ၊ ပညာ ဗိုလ်ငါးဖြာတို့ဖြင့် ကျင့်ဆောင်ကာနေကြပါ ကုန်။ သို့မှသာ မကြာခင်၌ ရည်မှန်းရာနိဗ္ဗာန်ကြီးကို ကြည်ရှင်းစွာမဂ်ဖိုလ်အလင်းဖြင့် တွေ့မြင်နိုင်ကြရပြီး သံသရာတစ်လျှောက်လုံး မတွေ့ကြုံမခံစားခဲ့ရသည့် အမွန်မြတ်ဆုံး ချမ်းသာကြီးကို တွေ့မြင်ခံစားကြရမည်မှာ မလွဲဧကန်သာဖြစ်တော့၏။
စာရှုသူ ဓမ္မမိတ်ဆွေအပေါင်းနှင့် အနန္တသတ္တ၀ါအားလုံးတို့၌ ဘေးရန်ကင်းပ၍ ကိုယ်နှင့်စိတ် ညီမျှကြကာ ချမ်းသာစွာတရားအားထုတ်နိုင်ကြပါစေ။
(ဣ ဒံ မေ ပုညံ အာသ၀က္ခယံ ၀ဟံ ဟောတု။)
PrintPDF
အချိန်ရှိခိုက် လုံ့လစိုက်
“နမော တဿ ဘဂ၀တော အရဟတော သမ္မာသမ္ဗုဒ္ဓဿ”
အချိန်သည် လူကိုမစောင့်။ အချိန်သည် မနားတမ်း တရွေ့ရွေ့ ကုန်ဆုံး၍နေပေသည်။ စက္ကန့် တွေ တိုးလာသည်နှင့် သေဖို့ရက်ကလည်း တစ်စက္ကန့်ချင်း နီးနေ၏။ “ငါနှင့်ရွယ်တူ၊ ငါ့အောက် လူ၊ ကြီးသူသေကြ များလှပြီ။ ခဏမစဲ အိုစမြဲ၊ ကိုယ်လည်း သေဘက်နီးခဲ့ချေပြီ။” သံသရာ အရေး မြှော်တွေးလို့ကြည့်လိုက်လျှင် ဘ၀တွေ မဆုံးနိုင်သမျှ ဒုက္ခတွေ ဒွန်တွဲလို့ရှိနေပါ ဦးမည်။ သံသရာခရီးသွားချင်းအတူ လက်တွဲလို့ကူကြရမည်။ တစ်ဦးအပေါ်တစ်ဦးတို့၏ တင်ခဲ့ သည့်ကျေးဇူးတရားတို့ကို တရားဖြင့်ပေးဆပ်၍ ကျေအေးနိုင်၏။
မိမိကိုယ်တိုင် တရားနှင့်နေခြင်းဖြင့် သူတစ်ပါးတို့ ချမ်းသာပွါးနိုင်ကြကုန်၏။ သူတစ်ပါးတို့ ကောင်းကျိုးချမ်းသားပွါးအောင် နေနေခြင်းသည်လည်း တရားအားထုတ်နေခြင်း ဖြစ်သည်။ အပြန်အလှန် မေတ္တာတရား၊ ကရုဏာတရား၊ မုဒိတာတရား၊ ဥပေက္ခာတရားတို့ဖြင့် အချင်းချင်း ကူညီနေကြခြင်းဖြင့် အပြန်အလှန် ကျေးဇူးဆပ်ကြရာ၏။ တစ်နည်းအားဖြင့် မိမိ၏ ကိလေသာအကြွေးတို့ကို အရဟတ္တမဂ်ဉာဏ်ဖြင့် ဖျောက်နိုင်ကြပါလျှင် မိမိအပေါ် တင်ခဲ့ဖူး သမျှသော မိဘကျေးဇူးလည်းကျေပြီ၊ ဆရာ့ကျေးဇူးလည်းကျေပြီ၊ ဘုရားရှင်၏ အလိုတော် လည်း ပြည့်စုံပြီဖြစ်ခြင်းကြောင့် ဘုရားရှင်၏ကျေးဇူးကိုလည်း ပေးဆပ်နိုင်ပေပြီ။ ထိုသို့ အားထုတ်နိုင်ပြီးပါက “မဂ်ဉာဏ်ဆိုက်ရောက်၊ ကြွေးကုန်ပျောက်၊ ကဲမောက် လွန်ချမ်းမြ” နိုင်ကြပေသည်။
ဘ၀တွင် အချိန်သည် လူတိုင်းရရှိကြသည့် တူမျှသောအခွင့်အရေးတစ်ခုပင်။ အချိန်ကို မိမိတို့ ၏အသုံးချမှုအလိုက် ရရှိသည့်အကျိုးကျေးဇူးများ မတူကြပေ။ “အချိန်ရှိခိုက် လုံ့လစိုက်” နိုင်ကြရန်အတွက် အချိန်ကို မည်သို့အသုံးချကြရမည်ကို သိရှိပြီး လိုက်နာကျင့်ကြံနိုင်ကြရန် ကျေးဇူးတော်ရှင် တောင်စွန်းဓမ္မဒူတ ဆရာတော်ဘုရားကြီး ဟောကြားခဲ့သည့် တရားတော်ကို ကိုးကား၍ ဤဓမ္မဆောင်းပါးဖြင့် ကျေးဇူးဆပ် ရေးသားဖော်ပြလိုက်ပါသည်။
တစ်နေ့တာတွင် ရရှိအောင်ကြိုးစားအားထုတ်ရမည့် တရားငါးမျိုးတို့ကို မှတ်သားရလွယ်ကူ အောင် အောက်ပါလင်္ကာလေးကို ကျက်မှတ်ထားပါလေ။
“ကုသိုလ်ဥစ္စာ၊ ကျန်းခန့်သာ၍၊ ပညာတန်ခိုး၊ အမျိုးမျိုးမှ၊ ထိုနေ့အတွက်၊ ကျိုးမထွက်၊ သက်သက် အချည်နှီးတည်း။” တစ်နေ့တာအတွက်-
(၁) ကုသိုလ်ရအောင်၊
(၂) ဥစ္စာရအောင်၊
(၃) ကျန်းမာအောင်၊
(၄) ပညာရအောင်၊
(၅) ဘုန်းတန်ခိုးရှိအောင် နေ့စဉ်နေ့တိုင်း ကြိုးစားကြရမည်ဖြစ်၏။
တစ်နေ့တာအတွက် လူတစ်ယောက်၏အိပ်ချိန်သည် (၈)နာရီထားလျှင် ရှစ်သုံးလီ နှစ်ဆယ့် လေး (တစ်နေ့ ၂၄ နာရီမှ သုံးပုံပုံ တစ်ပုံ)မှာ အိပ်ခြင်းဖြင့်ကုန်၏။ အသက်ခြောက်ဆယ် နေရမည့်သူအတွက် အနှစ်(၂၀) အိပ်ချိန်ဖြစ်သည်။ တစ်နေ့အတွက် ကျန်ရှိနေသော (၁၆)နာရီသည် ဖော်ပြပါအကျိုးငါးမျိုးရရှိအောင် ကြိုးစားအားထုတ်ခွင့်ရှိသော အချိန်တို့ဖြစ်၏။ သတိတရားကင်းလွတ်ခြင်းဖြင့်- ထမင်းဟင်းချက်၊ ရေချိုးအ၀တ်လျှော်၊ အ၀တ်အစားလဲ၊ အလှအပပြင်၊ ဟိုရောက်သည်ရောက် စကားလက်စုံကျ၊ ပျော်ပွဲစားထွက်၊ အချင်းချင်း မပြေလည်ကြသည့်အခါ အပြန်အလှန်ဖြေရှင်းပြကြ၊ မကျေနပ်တော့ ရုံးရောက်ဂတ်ရောက်၊ ရန်ဖြစ်လို့ ထိခိုက်ရင် ဆေးရုံတက်ဆေးကုသ၊ ကိုယ့်ထက်သာလို့ မနာလိုဖြစ်ရင် သူ့အကြောင်း အပုပ်ချ၊ သူများထက် ကိုယ်ကသာသွားရင် ငါလိုလူ ဇမ္ဗူမရှိဟု မော်ကြွားကြ၊ ထင်သလို မဖြစ်လို့ အောင်မြင်မှုတွေ မရသည့်အခါမှာလည်း ရေစုံမျှောပြီး ကိုယ့်ဘ၀ကိုယ်ဖျက်သည့် အရက်သေစာဖြင့်သာ ခံစားမှုတို့ကို ဖြေဖျောက်ကြ၊ ကိုယ့်အပေါ် မှားဖူးလျှင် သူတစ်ပါးကို နာကျင်အောင်လည်း ကလဲ့စားချေကြ၊ ထိုကဲ့သို့ပင် လူ့ဘ၀ဆိုတာက “အသက်တစ်ရာ မနေရ၊ အမှုတစ်ရာတော့ ကြုံတွေ့ရ” ဆိုသလို ပြဿနာပေါင်း သောင်းခြောက်ထောင် စုံနေအောင် ကြုံတွေ့ရသည်တွင် သံသရာနယ်ချဲ့တရား “ဒိဋ္ဌိ၊ တဏှာ၊ မာန” ဟူသော ပပဉ္စတရားတို့ဖြင့် နေကုန်အောင် ဖြေရှင်းနေကြပါလျှင် (၁၆) နာရီထဲက နှုတ်လိုက်ပါက တစ်နေ့တာအတွက် အချိန်ကို အကျိုးရှိအောင် အသုံးချသော နာရီမှာ သုညသာ အကြွင်းရှိတော့၏။ ထိုသုိ့ဆိုလျှင် လူ့ဘ၀ရခြင်းကား တန်ဖိုးမဲ့လှ၏။
ကျန်ရှိသည့်အချိန်တို့တွင် သတိသံဝေဂ,တရား အခါခါပွါးပြီး အချိန်ရှိခိုက် လုံ့လစိုက်မှ သင့်တော်ပေမည်။ ယီးတီးယောင်တောင် ယခုတိုင်အောင်နေနေလျှင်ကား စိတ်ချတော့ ဒုန်းဒုန်း သေမင်းက မြင်တိုင်းမုန်းတော့မည်။ သံသရာအဆက်ဆက် ဖွင့်နေကျ ဖြစ်ခဲ့သည့် ထို တဏှာဇာတ် ဓာတ်ပြားဟောင်းကြီးကိုသာ မငြီးမညူ မနားတမ်းဖွင့်နေခဲ့ကြသည်မှာ ယခုဖြင့် ငြီးငွေဖို့ သင့်လှချေပြီ။ ပြန်ပေးပါလို့ တောင်းမရတာက အချိန်၊ မကုန်ဆုံးရန် တားမရတာက လည်း အချိန်၊ ထို့ကြောင့် သတိပညာဖြင့်ချင့်ချိန်၍ အချိန်ရှိခိုက် လုံ့လစိုက် အားထုတ်မှ သင့်တော့မည်။
တစ်နေ့တာအတွက် ဖော်ပြပါတရားငါးမျိုးမှ တစ်ခုနှစ်ခုရလျှင် တော်သေးသည်၊ သုံးလေးခု ရလျှင် မဆိုးသေး၊ အားလုံးရရှိပါက ကျေနပ်စရာဖြစ်ပါသည်။ ထိုငါးမျိုး တစ်မျိုးမျိုးမှ တစ်နေ့တာအတွက် မရရှိလိုက်ပါလျှင် ထိုနေ့အတွက် သက်သက်အချည်းနှီးသော နေ့တစ်နေ့ သာဖြစ်သည်။ အကျိုးမရှိဘဲ ကုန်ဆုံးသွားသော နေ့တစ်နေ့ဖြစ်၏။ သေဖို့အတွက် စာရင်းသောက်ရင်း အိပ်ရင်းပျော်ပါးရင်းဖြင့် စောင့်နေရသည့် အလောင်းကောင်သက်သက် မဖြစ်စေ သင့်။ အလောင်းကောင်ကို အသုံးချ၍ အချိန်၏ ၀ါးမျိုးမှု အောက်မှ ရုံးထွက်ကြရမည်ဖြစ်၏။
ဘုန်းတန်ခိုးရှိအောင်ကျင့်
ကိုယ်ကျင့်သီလသည် လူ့ဘ၀တွင် ဂုဏ်သိက္ခာကို မြှင့်တင်ပေး၏။ ကြီးမြတ်ခြင်း၏အကြောင်း ဖြစ်သည်။ “သီလ၊ သမာဓိ၊ ပညာ”စသော သာသနာတော်သိက္ခာသုံးရပ်တွင် အစအဦး အခြေခံထားရမည့် တရားလည်းဖြစ်သည်။ အစ၏ကောင်းခြင်းရှိမှသာ အဆုံး၏ ကောင်းခြင်း သို့ ရောက်စေနိုင်မည့် တရားလည်းဖြစ်ပေသည်။
“ငါပြောသလိုလုပ်၊ ငါလုပ်သလို မလုပ်နှင့်”ဆိုသည့်အတိုင်း အပြောနှင့်အလုပ် မညီဘဲ ကျင့်ကြံ နေထိုင်ခြင်းသည် ဘုန်းတန်ခိုးကို မှေးမှိန်စေ၏။ ဘုရားရှင်ကဲ့သို့ ငါပြောသလိုလုပ်၊ ငါလုပ် သလိုလည်းလုပ် ဖြစ်အောင် ကျင့်ရမည်ဖြစ်သည်။ ၀ိဇ္ဇာစရဏ သမ္ပန္နော- အသိရော အကျင့်ပါ ပြည့်စုံတော်မူသော မြတ်စွာဘုရားရှင်၏ တပည့်သားမြေးအဖြစ် ခံယူပြီး အတုယူ ကျင့်ကြံရာ၏။
ဒါနအမှု ပြုကြရာ၌ နာမည်ကြီးချင်လို့၊ အချီးမွမ်းခံချင်လို့၊ လူအထင်ကြီးစေချင်လိုလို့၊ ပေးလျှင် ပြန်ရနိုင်သည့်လာဘ်ကိုမြင်လို့ မလှူဒါန်းသင့်ပေ။ ထိုသို့သောဒါနသည် ဘုန်းတန်ခိုး မှိန်ကြောင်းဖြစ်၏။ အလှူခံပုဂ္ဂိုလ်နှင့် လှူဖွယ်ပစ္စည်းတို့ကို ရိုသေစွာ ပေးလှူရာ၏။ ရိုသေစွာ လှူဒါန်းတတ်သော ဘုရားရှင်လက်ထက်က အနာထပိဏ်သူဌေးကြီးတို့၊ ၀ိသာခါကျောင်း အစ်မကြီးတို့သည် ယခုထက်တိုင် အတုယူမှတ်သားဖွယ် ဘုရားဒကာ၊ ဘုရားအမ၊ ကျောင်းဒကာ၊ ကျောင်းအမကြီးများအဖြစ်၊ လေးစားစရာပုဂ္ဂိုလ်များအဖြစ်၊ စံပြုထိုက်သူများ အဖြစ် သတ်မှတ်ခံရပြီး ဘုန်းကံလည်း လွန်စွာကြီးမားခဲ့ကြသူများ ဖြစ်ခဲ့ပေသည်။ အလှူခံ ပုဂ္ဂိုလ်အပေါ်၊ လှူဖွယ်ပစ္စည်းအပေါ်တွင် ရိုရိုသေသေလှူဒါန်းတတ်သောအမှုတွင် သူဌေးကြီး အနာထပိဏ်နှင့် ၀ိသာခါတို့အား ဥပမာပြ စံထားရမည့်အပြင် အတုယူပြီးလည်း ကျင့်ကြံထိုက် လှ၏။
နာမည်ကြီးလိုရုံသက်သက်ဖြင့် ကောင်းမှုပြုခဲ့ခြင်းကြောင့် နာမည်ကောင်းမထွက်ဘဲ နာမည် ဆိုးသာထွက်ခဲ့သည့် ဦးသာဒွန်းအကြောင်း ပြောပြချင်ပါသည်။ ဦးသာဒွန်းနှင့်ဒေါ်ပုတို့ ဇနီးမောင်နှံတွင် ကောင်းမှုပြုတိုင်း ဒေါ်ပုသာ နာမည်ကြီးပြီး ဦးသာဒွန်းအမည်မှာ တိမ်မြုပ် လို့နေ၏။ သံဃာတော်များအတွက် ကျောင်းဆောက်လှူရာတွင် ထိုကျောင်းကို ဒေါ်ပုကျောင်း ဟု လူသိများကြသည်။ ၎င်းကို ဦးသာဒွန်းကြီး မကျေနပ်ပေ။ အုတ်တံတိုင်းဆောက်လှူရာ တွင်လည်း ဦးသာဒွန်း+ဒေါ်ပုကောင်းမှုဟု ကမ္ဗည်းထိုးထားပါသော်လည်း ဒေါ်ပုအုတ်တံတိုင်း လို့သာ အပြောများကြ၏။ ၎င်းကိုလည်း ဦးသာဒွန်းကြီး အခံရခက်နေသည်။ တစ်ဖန် ဦးသာဒွန်းက လူအများ တည်းခို၊ အနားယူ၊ အပန်းဖြေတတ်သည့်နေရာတွင် ဇရပ်တစ်ဆောင် ဆောက်ပြီး သူ့နာမည်ကို ဆိုင်းဘုတ်မှာ အကြီးကြီးရေးကာ ဒေါ်ပု အမည်ကိုတော့ သေးသေးလေးရေးပြီး လူအများ ကွင်းကွင်းကွက်ကွက် မြင်သာနိုင်အောင် ဇရပ်၏နဖူးစီးမှာ ချိတ်ထားလေ၏။ ထိုတွင်လည်း လူအများက ဒေါ်ပုဇရပ်လို့သာ အသိများကြပြီး ဒေါ်ပုဇရပ်ကြီး ရှိတာ ကောင်းလိုက်တာလို့သာ ချီးကျူးစကား ပြောကြားကြပေသည်။
နောက်ဆုံးတွင် ဦးသာဒွန်းကြီးက လုံးဝ မခံမရပ်နိုင်ကာ ဒီလောက်တောင်ဖြစ်လှတာ ဆိုပြီး ဒေါ်ပု မပါဘဲ ပြုလို့ရသည့် ကုသိုလ်ကောင်းမှုတစ်ခုခုကို စဉ်းစားခန်းထုတ်ပြန်၏။ အကြံရသွား သည်မှာ သာသနာ့ဘောင်ဝင်ပြီး ရဟန်းဝတ်တော့၏။ ရဟန်းဝတ်ဖြင့် ဆွမ်းခံကြွသည်တွင် လူအများ ဆီးကြိုစကားဖြင့် ပြောကြသည်မှာ “ဒေါ်ပုဘုန်းကြီးကြီး ကြွလာပြီ၊ ဒေါ်ပု ဘုန်းတော်ကြီး ကြွလာပြီ” ဟုသာ ဖြစ်ပြီး ဦးသာဒွန်းမှာ အမည်မက ဘုန်းကြီးဘွဲ့ပါ ကင်းပျောက်သွားသောကြောင့် ဒေါ်ပုကို လက်မြှောက်အရှုံးပေးကာ ဆွမ်းခံ ဆက်မကြွတော့ ဘဲ လူထွက်ရန် ကျောင်းအမြန်ပြေးလေတော့သည်။
လူထွက်ပြီးနောက် အရက်သောက်၊ ဘိန်းစားကာမှ နာမည်အရင်း ပေါ်ထွက်လာလေ၏။ ကလေးလူကြီး ပါးစပ်ဖျားတွင် ရေပန်းစားတော့၏။ “အရက်သမားသာဒွန်း၊ ဘိန်းစားသာဒွန်း” ဟူ၍ မသိသူ မရှိလောက်အောင် လူသိများပြီး အမှားသရုပ် စံပြအဖြစ် ပြောစမှတ် တွင်ရစ်ခဲ့ တော့၏။ နာမည်ကြီးတိုင်း၊ လူသိများတိုင်း ဘုန်းကံကြီးနေခြင်းမဟုတ်ကြောင်း သိထားသင့် ပေသည်။
နေ့စဉ် ရရှိအောင် အားထုတ်ရမည့် ဘုန်းကံကြီးကြောင်း ကျင့်စဉ်ကောင်းများမှာ-
(၁) ကိုယ်ကျင့်သီလကောင်းရှိခြင်း၊
(၂) ကောင်းတာပြော၊ ကောင်းတာလုပ်တတ်သည့် အပြောနှင့်အလုပ်ညီခြင်း၊
(၃) ဒါနအမှုပြုရာ၌ သက္ကစ္စ- ရိုရိုသေသေလှူဒါန်းတတ်ခြင်းတို့ ဖြစ်ကြပေသည်။ ဘုန်းကြီးလို သော လောဘစော၍ ကြိုးစားအားထုတ်ရမည်မျိုးမဟုတ်၊ ပါရမီအကျင့်ကောင်းဟု သိရှိနား လည်ပြီး ကျင့်ကြံကြိုးစား ပွါးများအားထုတ်ရမည်ဖြစ်၏။
ပညာရအောင်ဆည်းပူး
ပညာရှိဖြစ်ချင်လျှင် ပညာရှိသူကို ပေါင်းရ၏။ ပညာရှိထံ မှီဝဲဆည်းကပ် နည်းယူရပေသည်။ အစဦးစွာ ပညာရှိဖြစ်ချင်စိတ် ရှိရမည်ဖြစ်၏။ ကိုယ်က သူ့ကိုအလိုရှိမှ သူက ကိုယ့်ဆီရောက် မည်ဖြစ်၏။ ကိုယ်က သူ့ကိုအလိုမရှိလျှင် သူက ကိုယ့်ဆီ မရောက်နိုင်သည့်သဘောဖြစ်သည်။
ဘ၀တစ်ခု အစပြုလာသည့်အတွက် စားဝတ်နေရေးအတွက် လုံးပန်းရတော့သည်။ ထို့ကြောင့် အသက်မွေးဝမ်းကြောင်းအတွက် မည်သူမဆို သင်ကြရပေသည်။ ချမ်းချမ်းသာသာ နေထိုင် စားသောက်၊ ၀တ်စားဆင်ယင်နိုင်ဖို့အတွက် အတတ်ပညာများကို သင်ယူကြရသည်။ လေ့လာ ကြရသည်။ ဆည်းပူးကြရသည်။ ကျွမ်းကျင်မှုရှိအောင်လည်း ကြိုးစားကြရပေသည်။ သို့မှသာ ဘ၀မှာ ချမ်းသာစွာ နေထိုင်နိုင်ကြမည်။ သူတစ်ပါးကို အားကိုးနေရခြင်းထက် ကိုယ့်အားကို ကိုယ်ကိုးနိုင်ခြင်းက ပို၍ ချမ်းသာသည်ဖြစ်ခြင်းကြောင့် မိမိကိုယ်တိုင် တတ်မြောက်အောင် အကျိုးဖြစ်စေသည့် ပညာတို့ကို သင်ယူကြရပေမည်။
ရသမျှပညာတို့ကို သင်ယူတတ်မြောက်ထားသောကြောင့် ဘ၀ကို ဘယ်ပညာရပ်ဖြင့် ဖြစ်စေ ဖြတ်သန်းနေလို့ကလည်း မသင့်တော်သေးပေ။ ငါးမျှားတတ်လို့ တံငှါသည်ဘ၀၊ လေးပစ် ကောင်းလို့ မုဆိုးဘ၀၊ ဖဲရိုက်ကျွမ်းလို့ အလောင်းကစားသမားဘ၀ အဖြစ်ဖြင့်တော့ စားဝတ်နေ ရေး ပြေလည်ပြီးရောလည်း ဘ၀ကို ဖြတ်သန်းဖို့ မသင့်တော်သေးပေ။ သူတစ်ပါးဆင်းရဲပြီးမှ ကိုယ်ချမ်းသာရေးအတွက်တော့ မတောင့်တအပ်ပေ။ မလိုလားအပ်ပေ။ ထို့ကြောင့် ဘ၀ကို ထိန်းကြောင်းတတ်စေရန် လိုအပ်ခြင်းကြောင့် ဘ၀ထိန်းကြောင်းပညာတို့ကိုလည်း ဆည်းပူးရ ပါမည်။ ရှာဖွေရပါမည်။ သတိလက်လွှတ်၍ အချိန်ကို ကုန်မသွားသင့်ပေ။
လောကော သတ္တာန မာစေတော- လောကော= လောကကမ္ဘာကြီးသည်၊ သတ္တာန= သတ္တ၀ါတို့အတွက်၊ အာစေတော= ဆရာသမား ဖြစ်၏။ မိမိပတ်ဝန်းကျင်ရှိ မြင်ရသမျှ၊ ကြားသမျှ၊ ကြုံတွေ့ရသမျှတို့ကို မိမိ၏ဆရာလို့ မှတ်ယူရ၏။ သူတော်ကောင်းများကို တွေ့သည့် အခါတွင် ထိုသို့နေထိုင်ကျင့်ကြံရန်၊ ထိုသို့ အားထုတ်ရန် မိမိအား သင်ပေးနေသည်ဟု မှတ်ယူပြီး လိုက်နာကျင့်ကြံရမည်။ သူယုတ်မာတို့ကို တွေ့သည့်အခါတွင်လည်း ထိုသူတို့သည် မိမိအား ထိုသို့ မပြုလုပ်ရန် သင်ပေးနေသည်ဟု မှတ်ယူကြရမည်။ ၎င်းတို့၏ အကျင့်ဆိုးများ သည် သံသရာ၌ လွန်စွာဒုက္ခရောက်ကြရလိမ့်ဦးမည်ဟု သံဝေဂပွါးပြီး ဆင်ခြင်ရ၏။ လူမိုက်တို့ ၏အလုပ်တို့ကို ရှောင်ကြဉ်ရပေသည်။ ထိုသို့ဖြင့် ဘ၀ကို ထိန်းကြောင်း ပြုပြင်နေထိုင်ရပေ သည်။ ကျေးဇူးတော်ရှင် မဟာဂန္ဓာရုံဆရာတော်ဘုရားကြီးက ဆုံးမထားသည်မှာ- “လူဟာ ဘယ်အချိန်အထိ မိမိကိုယ်ကိုယ် ကောင်းအောင် ပြုပြင်နေထိုင်သွားရမည်နည်းဟူမူ အသက် ဆုံးသည့်အချိန်အထိ မိမိကိုယ်ကိုယ် ကောင်းအောင် ပြုပြင်နေထိုင်သွားရမည်” ဟူ၍ ဆုံးမ ခဲ့ပါသည်။
ဒါန၊ သီလစသော ကံလမ်းဖြင့် လူ၊ နတ်ချမ်းသာသို့လည်းကောင်း၊ ဈာန်ရရှိသော သမာဓိ စွမ်းအားဖြင့် ဗြဟ္မာချမ်းသာသို့လည်းကောင်း ကောင်းရာသုဂတိသို့ ရောက်ရှိခံစားကြရ၏။ ၎င်းမှာ သာသနာပကာလ၌လည်း ရရှိနိုင်ကြသော အခွင့်အရေးတို့ဖြစ်သည်။ ၀ိပဿနာပညာ ကား ဘုရားရှင်တစ်ဆူဆူ ပွင့်ထွန်းပေါ်ပေါက်ချိန်နှင့်ကြုံမှ တတ်မြောက်နိုင်သော ကြုံတောင့် ကြုံခဲသည့်ပညာဖြစ်၏။ ၀ိပဿနာပညာဖြင့် အားထုတ်မှ နိဗ္ဗာန်က ထိုးထွင်း သိမြင်နိုင်မည် ဖြစ်သည်။ ၀ိပဿနာ- ၀ိ= အထူးထူး၊ အပြားပြား၊ အဖန်တလဲလဲ၊ ပဿနာ= ရှုမှတ်ပွါးများ ခြင်းဖြစ်သည်။ မျက်စိဖြင့် ကြည့်လျှင် မောင်ဖြူ၊ မောင်နီ၊ မောင်ညို၊ ငါ့ဒူး၊ ငါ့ပေါင်၊ ငါ့ခြေ၊ ငါ့လက်ဟူ၍ မြင်ရ၏။ ဉာဏ်ဖြင့် ဆင်ခြင်လိုက်လျှင် ရုပ်တရားတို့ ပေါင်းစုထားသော ရုပ်အစု၊ နာမ်တရားတို့ ပေါင်းစုထားသော နာမ်အစုဟု မြင်ရ၏။ ပညာဖြင့်မြင်ရသည့်အခါတွင် ရုပ်မှာလည်း ဖြစ်ခြင်းပျက်ခြင်းသဘော၊ နာမ်မှာလည်း ဖြစ်ခြင်းပျက်ခြင်းသဘောသာ ရှိသော ကြောင့် လောကဓမ္မတို့သည် ဖြစ်ပြီးလျှင် ပျက်တတ်သောသဘောသာလျှင် ရှိကြ၏။ ထိုသို့ မမြဲခြင်းကြောင့် ဆင်းရဲလှ၏၊ ထိုတရားတို့သည် မိမိအလိုသို့လည်းမလိုက်၊ မည်သူ တစ်စုံတစ်ဦးက ခိုင်းနေလို့ လုပ်နေခြင်းမျိုးလည်း မဟုတ်၊ ငါပိုင်ငါးစိုးလည်း မရသည် ဖြစ်ခြင်းကြောင့် အတ္တမဟုတ် အနတ္တသဘောတရားတို့သာ ဖြစ်ကြကုန်၏”ဟူ၍ အဖန်တလဲလဲ ရှုမှတ်ပွါးများနေခြင်းသည် ၀ိပဿနာ အားထုတ်ခြင်းပင် ဖြစ်ပေသည်။
ထိုသို့အားထုတ်ရန်အတွက် နေရာရွေးရန်မလို၊ အချိန်ရွေးရန်မလိုပေ။ သတိတရားသာ အမြဲရှိနေရန် လိုအပ်၏။ လျောင်း၊ ထိုင်၊ ရပ်၊ သွား လေးပါးဣရိယာပုတ်ရှိရာတွင် မိမိနှင့် သပ္ပါယမျှအောင်နေပြီး သတိတရားရှိစွာဖြင့် ၀ိပဿနာအားထုတ်ပါလျှင် နိဗ္ဗာန်ကို လျောင်းရင်း ဖြင့်လည်း မြင်ကြရမည်။ ထိုင်ရင်းဖြင့်လည်း မြင်ကြရမည်။ ရပ်ရင်းဖြင့်လည်း မြင်ကြရမည်။ သွားနေရင်းဖြင့်လည်း မြင်ကြရမည်ကို ယုံကြည်စွာအားထုတ်ကြပါကုန်။
နေ့စဉ် ရရှိအောင် အားထုတ်ရမည့် ပညာသုံးမျိုးမှာ-
(၁) သင်ယူရမည့်အတတ်ပညာ၊
(၂) ဘ၀ကို လမ်းမှန်အောင် ဘ၀ထိန်းကြောင်းရေးပညာ၊
(၃) နိဗ္ဗာန်ရောက်ကြောင်း မဖြစ်မနေအားထုတ်ရမည့် ၀ိပဿနာပညာ တို့ ဖြစ်ကြပေသည်။
ကျန်းမာအောင်နေ
အာရောဂျ ပရမ လာဘ- ကျန်းမာခြင်းသည် မြတ်သော လာဘ်တစ်ပါးဖြစ်၏။ ကျန်းမာမှ တခြားချမ်းသာတုိ့ကို ရရှိနိုင်မည်ဖြစ်သည်။ မကျန်းမာလျှင် လောကီချမ်းသာရော၊ လောကုတ္တ ရာချမ်းသာပါ ဆုံးရှုံးနိုင်ပေသည်။ ထို့ကြောင့် ကျန်းမာအောင်နေနည်းပညာ၊ ကျန်းမာရေး ကောင်းကြောင်းအကျင့်တို့ နေ့စဉ် ရရှိအောင် အားထုတ်ရပါမည်။ မနက်တိုင်း ရေသောက်ပြီး သည်နှင့် ဆီး၊ ၀မ်းက,အစ ပုံမှန်ရှိမရှိ သတိထားရပါမည်။ ကျန်းမာရေးကောင်းရန်အတွက် ဆီး၊ ၀မ်း၊ သွေး၊ လေများ ညီညွတ်မှုရှိနေရမည်။
တရားအားထုတ်ရာတွင် ထိုင်မှတရား ထင်နေကြသူများ ရှိကြ၏။ ထိုင်ပြီး နေကုန်အောင် အားထုတ်ခြင်းဖြင့် သွေးလေများ မညီမညွတ်ဖြစ်နိုင်ပေသည်။ ထို့ကြောင့် စင်္ကြံလျှောက်ပေး ရမည်။ တရားအမှတ် မပြတ်ဖို့သာလို၏။ ထိုင်ခြင်းပြတ်သွားလျှင် တရားအားထုတ်ခြင်း ရပ်သွားသည်ဟူသော အစွဲရှိနေလျှင် ဖြုတ်သင့်ပေသည်။ ဘုရားရှင်က နှမ်းတစ်စေ့မျှလောက် သော အစာကိုဝင်လျှင်ပင် အသက်ရှင်နေနိုင်သော ပါရမီထောက်ပံ့သည့် ကိုယ်ခံအားရှိသူ ဖြစ်၏။ ထို့ကြောင့် ဒုက္ကရစရိယအကျင့်ကို ခြောက်နှစ်ကြာကျင့်နိုင်ပေသည်။ ဘုရားအလောင်း တော်တို့မှတစ်ပါး မည်သူမျှ မစွမ်းနိုင်ပေ။ မိမိတို့က တစ်ရက်လောက် ထမင်းမစားလိုက်ရ လျှင်ပင် အားပြတ်ပြီး တရားဆက်အားမထုတ်နိုင်ဘဲဖြစ်နိုင်၏။ “ထမင်းအသက် ခုနစ်ရက်” ဆိုသည့်အတိုင်း ခုနစ်ရက်ထက် အစာငတ်ပါလျှင် အသက်သေသွားနိုင်ပေသည်။ ထို့ကြောင့် ကျန်းမာရေးအတွက် မျှတအောင်စားပေးဖို့ လိုအပ်၏။
ဝိပဿနာအားထုတ်ရာတွင် ကိုယ်ဆင်းရဲ၊ စိတ်ဆင်းရဲခံပြီး အားထုတ်ရမည် မဟုတ်၊ ဉာဏ်တော့ ဆင်းရဲသည့် အားထုတ်နည်းဖြစ်ပေသည်။ ကိုယ်ကျန်းမာ၊ စိတ်ချမ်းသာအောင် နေတတ်ရပါမည်။ စိတ်ချမ်းသာအောင် မနေတတ်လျှင်လည်း ကျန်းမာရေးအတွက် ထိခိုက် နိုင်၏။ ကျန်ဖန်ပြီး စိတ်ပူတတ်သူများ နှလုံးရောဂါရတတ်သောကြောင့် စိတ်အေးချမ်းအောင် နေခြင်းဖြင့် ကျန်းမာရေးကို ဂရုစိုက်ရမည်ဖြစ်သည်။
မြတ်ဗုဒ္ဓဟောကြားထားသော အောက်ပါအသက်ရှည်ကျန်းမာကြောင်း နည်းလမ်းကောင်းများ ကို ကျင့်ကြံပြီး နေ့စဉ် ကျန်းမာရေးအတွက် အားထုတ်ကြပါလေ-
(၁) မိမိနှင့် သင့်လျော်လျောက်ပတ်သော ဆေးဝါးဓာတ်စာ၊ အစားအသောက်၊ အနေအထိုင် တို့နှင့်သာ ပြုမူနေထိုင် စားသောက်ခြင်း၊
(၂) အတိုင်းအရှည်သိပြီး ချင့်ချိန်စားသောက်တတ်ခြင်း၊
(၃) ကြေလွယ်ကျက်လွယ်သော အစားအသောက်ကိုသာ စားသောက်ခြင်း၊
(၄) ငါးပါးသီလမြဲခြင်း၊
(၅) ကလျာဏမိတ္တ-အဆွေခင်ပွန်းကောင်းရှိခြင်း တို့ ဖြစ်ကြပေသည်။
ဥစ္စာရအောင်ရှာ
ဘုရားရှင်က စီးပွါးမရှာရန် တားမြစ်ထားခြင်းမရှိပေ။ စီးပွါးရှာနေလျှင် တရား,မရနိုင်လို့ ဟောကြားမထားပေ။ ထို့ကြောင့် စီးပွါးလည်းရှာ တရားလည်းအားထုတ်ရပေမည်။ သမ္မ လောဘနှင့် ၀ိသမ္မလောဘဟူ၍ နှစ်မျိုးရှိရာတွင် သမ္မလောဘဖြင့် စီးပွါးရှာထိုက်ပေသည်။ ၀ိသမ္မလောဘဖြင့် စီးပွါးမရှာထိုက်ပေ။ သမ္မလောဘဆိုသည်မှာ သူ့ဘက်ကိုလည်းကြည့်တတ်၊ ကိုယ်ဘက်ကိုယ်လည်း ကြည့်တတ်သော စီးပွါးရှာခြင်းမျိုး ဖြစ်၏။ ၀ိဝမ္မလောဘဆိုသည်မှာ ကိုယ်ချမ်းသာပြီးရော၊ သူ ဘာဖြစ်ဖြစ်၊ ငါ့မြင်းငါစိုင်း စစ်ကိုင်းရောက်ရောက်၊ ငါ့လှေငါထိုး ပဲခူး ရောက်ရောက်ဟူသော ငါတကော, ကောတတ်သည့် ငါကောင်းစားရေးကိုသာ အဓိက ထားပြီး သူတစ်ပါးပျက်စီးကြောင်းကို ထည့်မတွက်ဘဲ ကိုယ်ချင်းစာတရား ခေါင်းပါးသူတို့၏ စီးပွါးရှာခြင်းမျိုးကို ခေါ်ပေသည်။
ထိုနှစ်မျိုးတွင် သမ္မလောဘဖြင့် စီးပွါးရှာရမည်။ ဘုရားရှင်လက်ထက်က အနာထပိဏ် သူဌေးကြီးသည် သောတာပန်ပုဂ္ဂိုလ်ဖြစ်၏။ စီးပွါးဥစ္စာကို ရှာဖွေပါသည်။ တရားရသွားလျှင် ဘာစီးပွါးမှ မရှာတော့ဘဲနေခြင်းမျိုး မဟုတ်ပေ။ သာသနာတော်ကြီးပွါးကြောင်း ဆွမ်း၊ သင်္ကန်း၊ ကျောင်း၊ ဆေး ဟူသော ပစ္စည်းလေးပါးအား ထောက်ပံ့နိုင်ရန်အတွက် စီးပွါးဥစ္စာမရှိဘဲ လက်ချည်းသက်သက်ဖြင့် သာသနာတော်စည်ပင်ပါစေဟု ဆုတောင်းနေရုံဖြင့် ဖြစ်လာ လိမ့်မည့်မဟုတ်ပေ။ အနာထပိဏ်သူဌေးကြီးကဲ့သို့ အားထုတ်ကြိုးပမ်းသွားရပါမည်။ ယခု ခေတ်ဆိုလျှင် ဦးအောင်မြင့်(လူပျံတော်ပတ္တမြား)သည်လည်း သာသနာတော်အတွက်ရည်စူးပြီး စီးပွါးရှာခဲ့သူတစ်ဦးဖြစ်ပေသည်။ မန္တလေး မစိုးရိမ်စာသင်တိုက်ကြီးအား တည်ထောင်ခဲ့သော သားအဖနှစ်ဦးသည်လည်း ဆင်းရဲနွမ်းပါးသူများဖြစ်လင့်ကစား သာသနာတော်အတွက် ရည်စူးပြီး စီးပွါးရှာခဲ့ခြင်းကြောင့် သာသနာ့အာဇာနည်များ မွေးထုတ်ပေးသည့် ထိုကဲ့သို့သော ကျောင်းတိုက်ကြီးကို တည်ထောင်ပေးနိုင်ခဲ့သည် မဟုတ်ပါလော။
စီးပွါးရှာရာတွင် သူတစ်ပါးကိုလည်း ကြည့်တတ်ရမည်။ ကိုယ့်အကျိုးလည်း ကြည့်တတ်ရမည်။ အတ္တနှင့်ပရဆိုသော မိမိသူတစ်ပါး အကျိုးကိုကြည့်ပြီး မျှတအောင် ရှာတတ်ရမည်ဖြစ်သည်။ “ဘာပဲလုပ်လုပ် စေတနာကောင်းလေးထည့်လုပ်၊ ဘာပဲရောင်းရောင်း စေတနာကောင်းလေး ထည့်ရောင်း” ဆိုသော အဆုံးအမလေးကို အမြဲနှလုံးသွင်းကာ စီးပွါးဥစ္စာရှာဖွေကြ၍ သာသနာတော် အတွက်လည်း ထောက်ပံ့လှူဒါန်းကြပါက ယခုဘ၀ ချမ်းသာရုံတင်မက နောင်သံသရာလည်း ချမ်းသာပြီး နောက်ဆုံး နိဗ္ဗာန်သို့ အကျိုးပြုသော ပါရမီကုသိုလ်ထူးများ ရရှိသွားကြမည် ဖြစ်ပါသည်။
ကုသိုလ်ရအောင် အားထုတ်
“ရေဗူးနှင့် ဖိနပ် မပါလျှင် နွေခါမှ သိမည်၊ ဒါနနှင့်သီလ မပါလျှင် သေခါကျ သိမည်။”ဟူသော ဆောင်ပုဒ်လေးမှာ ဒါန၊ သီလအားထုတ်ဖို့ တိုက်တွန်းနှိုးဆော်ထားခြင်းဖြစ်ပါသည်။ ရှေးက ဒါနပြုလုပ်ခဲ့သူတို့မှာ ယခုဘ၀ ချမ်းချမ်းသာသာနေနိုင်ကြ၏။ စား၊ ၀တ်၊ နေရေးအတွက် နေကုန်အောင် ပင်းပန်းကြီးစွာ မရှာဖွေရပေ။ သက်သက်သာသာဖြင့် ရရှိသုံးဆောင်နိုင်ကြ၏။ ၎င်းမှာ မိမိတို့ဘေးတွင် မြင်သာသောဥပမာများ ဖြစ်ပါသည်။ သို့သော် မမြင်သာနိုင်သော အချက်တစ်ချက်ရှိ၏။ တချို့ အကုသိုလ်အလုပ်ဖြင့် စီးပွါးရှာသော်လည်း ချမ်းသာနေကြပြီး တချို့ ကုသိုလ်တရားပွါးများပြီး ကောင်းရာကောင်းကြောင်း လုပ်ကိုင်စားသောက်ပါသော် လည်း ဆင်းရဲနွမ်းပါးနေကြ၏။ ထိုကွာခြားချက်ကိုမြင်လျှင် ကံ,ကံ၏အကျိုးကို မယုံကြည်ဘဲ ရှိတတ်ပေသည်။
ဘုရားရှင်ဟောကြားထားသော ကံလေးမျိုးရှိ၏။ (၁) အဖြူကံ၊ (၂) အမည်းကံ၊ (၃) အဖြူ အမည်း ရောသည့်ကံ၊ (၄) အဖြူအမည်း မရောသည့်ကံတို့ ဖြစ်ကြသည်။ အဖြူကံသည် ကုသိုလ်ကောင်းမှု လုပ်ခဲ့သောကြောင့် ကောင်းကျိုးသက်သက်ပေးခြင်း၊ အမည်းကံသည် မကောင်းသည့် အကုသိုလ်လုပ်ခဲ့သောကြောင့် ဆိုးကျိုးသက်သက်ပေးခြင်း၊ အဖြူအမည်း ရောသည့်ကံသည့် ကောင်းသည့် ကုသိုလ်အလုပ်ရော၊ မကောင်းသည့် အကုသိုလ်အလုပ်ရော ဒွန်တွဲလုပ်ခဲ့သောကြောင့် ကောင်းကျိုးဆိုးကျိုး ရောနှောပေးခြင်း၊ အဖြူအမည်း မရောသည့် ကံမှာ ကုသိုလ်လည်းမဟုတ် အကုသိုလ်လည်းမဟုတ် ၀ိပဿနာကုသိုလ်ကို ဆိုလိုခြင်းဖြစ်၏။ အဟတ္တမဂ်ဖိုလ်ကုသိုလ်ပင်ဖြစ်သည်။ သံသရာ၌ အဖြူအမည်း ရောသည့်ကံများ ပြုလုပ်ခဲ့ သောကြောင့် ယခုဘ၀တွင် ကောင်းမှုဖြင့်လုပ်စားသော်လည်း အတိတ်က အကုသိုလ် အကျိုးပေးနေချိန်တွင် ကောင်းကျိုးချမ်းသာများ မရရှိမခံစားရပေ။ မကောင်းမှု အကုသိုလ် အလုပ်တို့ဖြင့် စီးပွါးရှာသော်လည်း ကြီးပွါးတိုးတက်အောင်မြင်နေပြီး ချမ်းသာကြွယ်ဝ နေကြခြင်းမှာ အတိတ်က ကုသိုလ်အကျိုးပေးနေချိန် ဖြစ်သောကြောင့် ရရှိခံစားနေရခြင်း ဖြစ်ပေသည်။
ဒါနပြုရာတွင် ဒါန၏အကျိုးကို သိထားခြင်းသာဖြစ်ပြီး အကျိုးကိုမျှော်ပြီးလှူခြင်းမျိုး မဟုတ်ပေ။ သူတစ်ပါးချမ်းသာရေးအတွက် မေတ္တာစိတ်သက်သက်ဖြင့် ပေးကမ်းခြင်းဖြစ်၏။ နိဗ္ဗာန်၏ အထောက်အပံ့ဖြစ်အောင် ပေးလှူရပေသည်။ ထိုသို့ရည်စူးပြီး ဒါနပြုရာတွင် “တစ်ယာ ကွမ်းဆေး၊ ရေအေးတစ်ခွက်၊ ဆီတစ်စက်နှင့်၊ လက္ဘက်တစ်ရိုး၊ ကြံတစ်ချိုးမျှ၊ မြတ်နိုးကြည်ဖြူ၊ ဒါနဟူသည်၊ အလှူကောင်းမှု၊ ရရာပြုလော့။” ဟူသော မာဃဒေ၀လင်္ကာအတိုင်း ကျင့်ကြံအား ထုတ်ကြပါကုန်။
ဒါနသာပြုခဲ့ပြီး သီလမပါခဲ့သူများမှာ အသက်ကြာရှည် မနေရဘဲရှိ၏။ တချို့ အမိဝမ်းထဲမှာပင် သေကြရ၏။ တချို့ မွေးပြီးချင်း သေကြရ၏။ တချို့ အရွယ်ငယ်စဉ်မှာ သေကြရ၏။ ထိုသို့ အသက်တိုခြင်း၊ အနာရောဂါထူပြောခြင်း၊ အင်္ဂါမပြည့်စုံခြင်းစသည်တို့မှာ သံသရာက သီလ နည်းခဲ့သောကြောင့် ဖြစ်သည်။ ပစ္စည်းဥစ္စာပေါကြွယ်ဝသော်လည်း သီလနည်းခဲ့သောကြောင့် ထိုသို့သော ဆိုးကျိုးများနှင့် ရင်ဆိုင်ရကာ စိတ်မချမ်းမသာဖြစ်ကြရပေ၏။ ဒါန၏အကျိုးတရား တို့မှာ သီလပါမှ ပိုပြီး ပြည့်စုံကောင်းမွန်စွာ အကျိုးခံစားနိုင်ပေသည်။ ထို့ကြောင့် ဒါနလည်းပြု သီလလည်းဆောက်တည်ကြရန် အားထုတ်ကြရပါမည်။
စိတ်ချမ်းချမ်းသာသာဖြင့် နေနိုင်ရန်အတွက် သမထဘာဝနာ ပွါးများအားထုတ်ကြရ၏။ စိတ်၏ တည်ငြိမ်အေးချမ်းမှုရှိခြင်းကြောင့် ပညာရရန်လည်း လွယ်ကူ၏။ စိတ်ငြိမ်သည့်အတွက် အာရုံတရားများနောက်သို့ စိတ်ဗျာမများတော့ဘဲ ငြိမ်ငြိမ်းချမ်းချမ်း နေနိုင်၏။ တရား အားထုတ်ရာတွင် အစောင့်အရှောက် သမထကမ္မဋ္ဌာန်များဖြစ်သည့် မေတ္တာကမ္မဋ္ဌာန်း၊ ဗုဒ္ဓါနုဿတိကမ္မဋ္ဌာန်း၊ မရဏာနုဿတိကမ္မဋ္ဌာန်း၊ အသုဘကမ္မဋ္ဌာန်းတို့ကို ပွါးများအားထုတ်ရ ပေသည်။ မေတ္တာပွါးခြင်းဖြင့် စိတ်အေးချမ်းမှု ရရှိ၏။ ဘေးရန်လည်းကင်း၏။ တရား အားထုတ်ရာတွင် အနှောင့်အယှက်များ နည်းပါးသဖြင့် စိတ်ချမ်းသာနိုင်ပေသည်။ ဘုရား ဂုဏ်တော်များ အခါခါပွါးခြင်းဖြင့် ဘုရားကို ကြည်ညိုသော သဒ္ဓါတရားများ ထက်မြက် စေသည်။ အကြွင်းမဲ့ ယုံကြည်စိတ်များ ရောက်ရှိလာ၏။ ထို့ကြောင့် ဘုရားဆုံးမသည့်အတိုင်း ကျင့်ကြံအားထုတ်မှုများ ပို၍ပို၍ ယုံကြည်စွာ လုပ်ဆောင်လာနိုင်ပေသည်။ မရဏာနုဿတိပွါး များခြင်းဖြင့် သတိတရားကို ဖြစ်စေ၏။ သေခြင်းတရားကို အမှတ်ရနေသည်ဖြစ်ခြင်းကြောင့် ကောင်းမှုတို့ကို မမေ့မလျော့ ပွါးများအားထုတ်လိုစိတ်များ ထက်သန်စေပေသည်။ အသုဘ ကမ္မဋ္ဌာန်းပွါးခြင်းသည် လောဘကို အမြန်ကုန်စေသောကမ္မဋ္ဌာန်းဖြစ်၏။ သံသရာအဆက်ဆက် ဒုက္ခဖြစ်ကြောင်း ထိုလောဘတရားကြောင့် ရှည်ကြာစွာ ကျင်လည်ခဲ့ရပေပြီ။ ခင်တွယ်စရာ၊ တက်မက်စရာဟူ၍ အခါခါပွါးနေသူ၌ လောဘတရား တိုးပွါးကြပြီး ရွံရှာစရာ၊ မတင့်တယ် ဖွယ်ရာကို အခါခါပွါးများသူတို့တွင် လောဘကို အမြန်ကုန်စေ၏။ တရားအားထုတ်ရာတွင် ထို အစောင့်အရှောက် ကမ္မဋ္ဌာန်းတို့ကို ပွါးများအားထုတ်ပေးကြရပါမည်။
နက်နဲခက်ခဲသည့်တရားတို့ကို ပညာကြီးသူတို့သည် လျင်မြန်လွယ်ကူစွာ သိနိုင်၏။ ၀ိပဿနာ တရား အားထုတ်ခြင်းဖြင့် ပါရမီမပြည့်သေး၍ ယခုဘ၀ နိဗ္ဗာန် မမြင်ရသေးတောင်မှ နောင်ဘ၀ အဆက်ဆက် ပညာကြီးရင့်ကြောင်း ကုသိုလ်ဖြစ်၏။ ဘုရားရှင်လက်ထက်တော်၌ တရားတော် ကို တခဏမျှဟောကြားလိုက်ရုံဖြင့် သစ္စာလေးပါးကို ထိုးထွင်းသိသူတို့မှာ သံသရာက ၀ိပဿနာတရား ပွါးများခဲ့ကြသူများဖြစ်၏။ “၀ိပဿနာ တရား အခါခါ ပွါးများပါသော်လည်း တရားမရသေး”ဟူ၍ စိတ်ပျက်အားငယ်ရန် မနေသင့်ပေ။ ပါရမီတရား မပြည့်မခြင်း ဖြည့်ကျင့် ဆည်းပူးရသည်ဖြစ်ခြင်းကြောင့် စိတ်ရှည်ဇွဲသန်သည်းခံပြီး ပွါးများအားထုတ်ကြရမည်။ ကျေးဇူးတော်ရှင် မိုးကုတ်ဆရာတော်ဘုရားကြီး ဟောကြားသလို ပြောရလျှင် သတိတရားမပြတ်မလပ်ဘဲ အားထုတ်နိုင်ပါက မနက်အားထုတ် ညနေ တရားရနိုင်ပေသည်။ သေခါနီးအထိ အားထုတ် နောက်ဘ၀ သောတာပန် အရင်ဖြစ်နှင့်မည်။ နောက်ဘ၀ သောတာပန် မဖြစ်နှင့်သေးလျှင် လည်း ဓမ္မကထိကနတ်သားက ဘုရားတရား ဟောကြားပေးလိုက်သည်နှင့် ချက်ချင်း တရားရသွားနိုင်ပေသည်။
နေ့စဉ် ကုသိုလ်ရအောင်အားထုတ်ရမည်မှာ ဒါနပြု၊ သီလဆောက်တည်၊ သမထအားထုတ်၊ ၀ိပဿနာပွါးများခြင်းဖြင့် ကျင့်ကြံရပေမည်။ ငါတို့ဖြင့် ၀ိပဿနာမှ ၀ိပဿနာဟူ၍ ဒါန၊ သမထ တို့ကို ပစ်ပယ်၍လည်း မနေသင့်ပေ။ တချို့ရှိတတ်လို့ သတိပေးခြင်းဖြစ်၏။ ဒါနသည် သံသရာရှည်သည်ဟု ဟောကြားသူများရှိကြပေသည်။ ဒါနသည် လောဘကိုသတ်ခြင်း ဖြစ်၏။ ကိုယ့်မှာရှိနေသည့် ပစ္စည်းဥစ္စာတို့ကို ခင်တွယ်သည့် လောဘတဏှာကို ပယ်သတ်နိုင်မှ ဒါနကို ပြုနိုင်ခြင်းဖြစ်သည်။ ဆရာကြီး ဦးရွှေအောင်ရေးသားခဲ့သည့် “တစ်စတစ်စ၊ စွန်ဝံ့မှလျှင်၊ ဘ၀နောက်နှောင်း၊ ဆက်တိုင်းကောင်း၏။”ဆိုသည့်အတိုင်း လောဘကို တစ်စတစ်စ စွန့်နိုင်ပြီး နောက်ဆုံး ကုန်ခန်းသွားပြီး ဘ၀နိဂုံး အဆုံးသတ်နိုင်ကြမည် ဖြစ်သည်။
နေ့စဉ်နေ့တိုင်း ရရှိအောင် ပွါးများအားထုတ်ရမည့် (၁) ကုသိုလ်၊ (၂) ဥစ္စာ၊ (၃) ကျန်းမာရေး၊ (၄) ပညာ (၅) ဘုန်းတန်ခိုး စသည်တို့ကို အနှစ်ထပ်ထုတ်လိုက်လျှင်
(၁) ကျန်းမာရေးကို အထူးဂရုစိုက်ပြီး
(၂) နိဗ္ဗာန်ရောက်ကြောင်း ကုသိုလ်တရားအားလုံးတို့ကို ပွါးများအားထုတ်ရမည် ဖြစ်ပါသည်။
နေ့စဉ် ထိုငါးမျိုး ရရှိအောင် အားထုတ်ဖို့ သတိဖြစ်စေရန်အတွက် “ငါးမျိုး = ယနေ့ ဘာရပြီးပြီလဲ?” ဟူသော မေးခွန်းလေးကို မိမိကိုယ်ကို နေ့စဉ် မေးသင့်ပေသည်။ ည အိပ်ယာ ၀င်ချိန် မအိပ်ခင် မေးမိလိုက်လို့ ဘုရားရှိခိုးပြီးမှအိပ်လိုက်လျှင်ပင် လွန်စွာအကျိုးများသွားပါ မည်။ ဘုရားရှင်လက်ထက်က စဏ္ဍာလီဟူသော မိန်းမကြမ်းကြီးသည် သာသနာတွင်း လူဖြစ် ခွင့်ရသော်လည်း တောင်မွေးကို အဖော်ပြုချိန်အထိ ဘုရား၊ တရား၊ သံဃာကိုပင် ကိုးကွယ်ရ ကောင်းမှန်း မသိခဲ့သူဖြစ်၏။ တစ်နေ့ မြတ်စွာဘုရားရှင်က ထို အမျိုးသမီးကြီးသည် သေပြီးနောက် ငရဲသို့ လားရတော့မည်ကို မြင်လေသည်။ ဘုရားရှင်က ချီးမြှောက်တော်မူလို သောကြောင့် ထို အမျိုးသမီးကြီး သေရမည့်လမ်းမှ ဆီးကြို၍ ကြွချီတော်မူ၏။ လမ်း၌ ဆုံသော အခါ ဘုရားရှင်က ရပ်တော်မူပြီး အရှင်အာနန္ဒာအား ကြည့်တော်မူလေသည်။ အရှင်အာနန္ဒာ လည်း ထိုအမျိုးသမီးကို ဘုရားရှင် ချီးမြှောက်တော်မူလိုကြောင်းသိပြီး “လောကတွင် အမြတ်ဆုံးဖြစ်တော်မူသော မြတ်စွာဘုရားရှင်သည် အသင့်အား ချီးမြှောက်ရန် လာခဲ့ခြင်းဖြစ် သည်” ဟုဆိုပြီး ဘုရားရှင်အား ရှိခိုးရန် တိုက်တွန်းလေ၏။
စဏ္ဍာလီအဘွားအိုကြီးသည် ဘုရားရှင်၏ မဟာကရုဏာတော်ဖြင့် ကြည့်ရှုနေသည်ကို မြင်လျှင် လောက၌ အမြတ်ဆုံး ဘုရားရှင်အား ယခုမှ သိခွင့်ရတယ်၊ ငါ့လိုလူကိုတောင် ကရုဏာထားတော် မူပေတယ်ဟူ၍ သတိသံဝေဂဖြစ်ပြီး မြတ်စွာဘုရားရှင်၏ ခြေဖမိုးတော်ကို အားရပါးရ ရှိခိုးလေ၏။ ဘုရားရှင်လည်း အထောက်အပံ့ကောင်း ရသွားသည်ဖြစ်ခြင်းကြောင့် ဆက်လက်၍ ကြွချီတော်မူလေသည်။ အမျိုးသမီးကြီးသည် ဘုရားရှင်အား ကြည်ညိုရင်း ကျန်ရစ်ခဲ့ပြီး ခရီးဆက်လေသော် နွားခွေ့ခံရကာ ထိုလမ်းမှာပင် သေဆုံးပြီး ဘုရားရှင်အား ကြည်ညိုစိတ်ကြောင့် နတ်ပြည်၌ စန္ဒာလီနတ်သမီးအဖြစ် ထင်ရှားဖြစ်ခဲ့လေသည်။
စာရှုသူဓမ္မမိတ်ဆွေအပေါင်း ကိုယ်ကျန်းမာ စိတ်ချမ်းသာစွာဖြင့် ပါရမီကုသိုလ်တရားများ ပွါးများ အားထုတ်နိုင်ကြပါစေ။
PrintPDF
ကရုဏာထား၍ မုဒိတာပွါးပါ
PrintPDF
လောကီ၊ လောကုတ် နှစ်ဖြာချမ်းသာကြီးပွါးကြောင်းတရားများ
“နမော တဿ ဘဂ၀တော အရဟတော သမ္မာသမ္ဗုဒ္ဓဿ”
ကောင်းတာကျင့်တော့ ကောင်းကျိုးရ၊ မကောင်းတာကျင့်တော့ ဆိုးကျိုးရတယ်ဆိုတာ ဗုဒ္ဓဘာသာဝင်တွေ အားလုံး လက်ခံယုံကြည်ကြတဲ့ ကံနဲ့ကံအကျိုးအပေါ် သက်ဝင်ယုံကြည်တတ်ကြခြင်း ကမ္မဿကတာ သမ္မာဒိဋ္ဌိအမြင်ပါပဲ။ လူချမ်းသာ၊ နတ်ချမ်းသာ၊ ဗြဟ္မာချမ်း သာတွေ ခံစားချင်ကြလို့ ကောင်းမှုတွေ အားထုတ်နေတာမျိုးဆိုရင်လည်း ကိုယ့်ခန္ဓာ ကိုယ်ရောင်းစားနေသလို ဖြစ်နေမယ်။ အကျိုးတရားကို ဉာဏ်နဲ့သိပြီး ဒီဘ၀တွေရနေလျှင် ဒီဒုက္ခတွေက လွတ်မှာမဟုတ်၊ ကြုံပြီးရင်းကြုံ၊ ဆုံပြီးရင်းဆုံကြရကာ ဟိုဘ၀နဲ့ သွားပြီးဒုက္ခခံလိုက်၊ ဒီဘ၀နဲ့နေပြီး ဒုက္ခခံလိုက်နဲ့ ဒုက္ခနယ်ထဲက မလွတ်တမ်းနေခဲ့ကြတဲ့ သံသရာဝဲရဟတ်ကြီးက လွတ်မြောက်နိုင်ရန်အလို့ငှါ၊ ဒုက္ခအပေါင်းက ကင်းလွတ်ရာ အမှန်ဖြစ်တဲ့ နိဗ္ဗာန်ရရှိရန်အလို့ငှါ အားထုတ်မှသာလျှင် ဉာဏ်ပါတာကြောင့် ပါရမီဖြည့်ဆည်းခြင်း ဖြစ်နိုင်ပါတယ်။
ဘုရားလက်ထက်က ပုဏ္ဏားတစ်ဦးက မေးလျှောက်လို့ ဘုရားရှင်ဖြေကြားတော်မူတဲ့တရားကို ထေရ၀ါဒ ဗုဒ္ဓဘာသာလူငယ်များရဲ့ အပြည်ပြည်ဆိုင်ရာထေရ၀ါဒဗုဒ္ဓသာသနာပြုတက္ကသိုလ်(ITBMU)တွင် ပရိယတ္တိ စာပေများသင်ယူနေကြသည့် စာသင်သားရဟန်းတော်များအား (၂၂)ကြိမ်မြောက်လစဉ်အလှူတော်၌ စာသင်သား ရဟန်းတော်ဟောကြားချီးမြှင့်လိုက်တဲ့တရားကို ဓမ္မဒါနရေးသားလိုက်ပါတယ်။ လောကီ အတွက်ရော လောကုတ္တရာအတွက်ရော ချမ်းသားကြီးပွါးကြောင်းတရားများက ဘယ်လိုတရားမျိုးတွေပါလဲ မေးလျှောက်တဲ့ အခါမှာ ဘုရားရှင်က လောကီအတွက် ချမ်းသားကြီးပွါးကြောင်းတရားက ၄ ပါး၊ လောကုတ္တရာအတွက် ချမ်းသာကြီးပွါးကြောင်းတရားက ၄ ပါးရှိကြောင်း ဝေဖန်ပိုင်း ခြား၍ ဖြေကြားတော်မူပါတယ်။
လောကီချမ်းသာကြီးပွါးကြောင်းတရား ၄ ပါး
၁) ဥဋ္ဌာနသမ္ပဒါ(ထကြွလုံ့လရှိခြင်း)။ ။“မကြိုးစားဘဲ အပျင်းထူ၊ ဆုပဲတောင်းနေသူ၊ ကယ်မည့်သူ ဘယ်မရှိ၊ သေချာဒုက္ခ ရောက်မည်သိ”ဆိုတဲ့ ကဗျာစာသားလေးအတိုင်းပါပဲ။ ကြိုးစားအားထုတ်မှု လုံ့လမရှိလျှင်တော့ သူ့အတွက် အောင်မြင်မှု၊ ကြီးပွါးတိုးတက် မှုဆိုတာ ဘယ်တော့မှ ရောက်လာမှာ မဟုတ်ပါဘူး။ ဒါ့ကြောင့် ချမ်းသာကြီးပွါးချင်ရင် လုံ့လရှိရမယ်၊ ကြိုးစားအားထုတ်မှုရှိရပါမယ်။ ဒါမှ တိုးတက်အောင်မြင်မှာ သေချာပါတယ်။
၂) အာရက္ခသမ္ပဒါ(လုံ့လ၀ီရိယကြောင့်ရရှိသော စည်းစိမ်ဥစ္စာများကို မပျောက်ပျက်အောင် ထိန်းသိမ်းစောင့်ရှောက်တတ်ခြင်း)။ ။ စီးပွါးဥစ္စာ တွေတော့ ရှာထားတယ်၊ ပြည့်စုံကြွယ်ဝလာတယ်။ ဒါနဲ့တင် မပြည့်စုံသေးပြန်ပါဘူး။ “ရေ၊ မီး၊ မင်း၊ ခိုးသူ၊ အမွေခံ သားဆိုး သမီးဆိုး”ဆိုတဲ့ ရန်သူမျိုးငါးပါးက အချိန်မရွေး ဖျက်ဆီးပစ် နိုင်တာကြောင့် ဘယ်လိုမျိုး စောင့်ရှောက်ထိန်းသိမ်းထားလျှင် လွတ်နိုင်မလဲ၊ ကာကွယ်ပြီးသားဖြစ်မလဲဆိုတာကိုလည်း တတ်ကျွမ်းနားလည် နေရမယ်။ ဆောင်ရွက်တတ်ရပါ့မယ်။ ဒါမှ ရထားတဲ့ စည်းစိမ်ဥစ္စာတွေက ယုတ်လျော့မသွားဘဲ ကြာရှည်စွာတည်တံ့နိုင်မှာပဲဖြစ်တယ်။ ရ,ထား သမျှ အကျိုးမရှိ ကိုယ်ကိုယ်တိုင် သုံးဖြုန်းပစ်နေလျှင်လည်း ရရှိထားသမျှ ဥစ္စာတွေဖျက်ဆီးပစ်ဖို့ ကိုယ်ကိုယ်တိုင် ရန်သူလည်း ဖြစ်နေတတ်ပါတယ်။ အပျော်အပါး၊ အသောက်အစား၊ အမော်အကြွားတွေ၊ အလောင်း ကစားတွေလုပ်မိလျှင် တဖြည်းဖြည်းလုံးပါးပါးပြီး နောက်ဆုံး မွဲပြာကျ ဆင်းရဲသွားသူတွေ(အထည်ကြီးပျက်တွေ) ဖြစ်သွားနိုင်တယ် ဆိုတာ အမြဲသတိရှိကြရပါမယ်။
၃) ကလျာဏမိတ္တသမ္ပဒါ(မိတ်ဆွေကောင်းများနှင့်ပေါင်းဖော်ခြင်း)။ ။ မိတ်ကောင်းဆွေကောင်းကို မပေါင်းသင်းမိဘဲ မိတ်ဆွေယုတ်များ နဲ့ ပေါင်းသင်းမိလျှင် တစ်ချိန်ချိန် မိမိကို ဒုက္ခပေးမှာ အသေအချာပါပဲ။ မိတ်ဆွေကောင်းဆိုတာက အချိန်တိုင်းမှာ ကိုယ့်အပေါ် ကောင်းအောင်ပဲ အကြံပြုတယ်၊ ကိုယ့်အကျိုးစီးပွါးတိုးတက်တာကို မနာလိုမဖြစ်တတ်ဘူး။ ကိုယ့်ဥစ္စာစည်းစိမ်းတွေကို စောင့်ရှောက်ပေးဖို့လိုက စောင့်ရှောက်ပေး တတ်တယ်။ မိတ်ဆွေယုတ်ကျတော့ အဲလို မဟုတ်ဘူး။ ကိုယ့်ကိုခင်လို့ပေါင်းတာမျိုးမဟုတ်၊ ကိုယ့်ဆီက ဘာရမလဲဆိုတဲ့ မျှော်လင့်ချက်နဲ့ လာပေါင်းသင်းတာမျိုးဆိုတော့ မရရအောင် တစ်နည်းနည်းနဲ့ အကွက်ဆင်နေမယ်။ အလိုမကျရင် ကိုယ့်ကို ချောက်ချမယ်။ စည်းစိမ်ပျက် အောင်လုပ်မယ်။ ရှေ့တစ်မျိုး ကွယ်ယာတစ်မျိုး ဟန်ဆောင်မှုတွေနဲ့ ပေါင်းသင်းမယ်။ အကြံဉာဏ်ဆိုးတွေဟာ မိတ်ဆွေယုတ်ဆီမှာ အစဉ် ရှိနေတယ်။ ဒါကြောင့် မိတ်ဆွေကောင်းရဲ့တန်ဘိုးဟာ အလွန်ကြီးမြတ်လှပါတယ်။
၎) သမဇီဝိတသမ္ပဒါ(ဥစ္စာအင်အားနှင့်တိုင်းထွာ၍ ညီမျှစွာအသက်မွေးခြင်း)။ ။ ရတာက တစ်ပဲ၊ သုံးတာက တစ်ပိဿာ ဆိုရင်တော့ အကြွေးက နောက်ဘ၀ထိတောင် ဆပ်လို့ မကျေနိုင်ဖြစ်နေမယ်။ ရတာကနည်းနည်း စားချင်တာကများများ၊ သုံးချင်တာက သူ့ထက်တော့ အောက်မကျချင်ဖြစ်နေတော့ ရတာနဲ့ သုံးတာ မမျှတဲ့အတွက် ဘယ်လိုမှ စီးပွါးဥစ္စာက စုနိုင်မှာမဟုတ်ဘူး။ “ချွေတာစုဆောင်း သူဌေးလောင်း” ဆိုတဲ့အတိုင်း ကိုယ့်ဝင်ငွေနဲ့ထွက်ငွေ နှိုင်းနှိုင်းချိန်ချိန်နဲ့ သုံးစွဲရမယ်။ ပြီးတော့ အသုံးနဲ့အဖြုန်း ကွဲကွဲပြားပြား နားလည်ကြရပါမယ်။ ၀င်ငွေ ထွက်ငွေကို သေချာစိစစ်တွက်ချက်ပြီး ရတာလေးနဲ့ ၀အောင်စား၊ ရတာလေးနဲ့ လှအောင်ဝတ် ဆိုတဲ့အတိုင်း မျှမျှတတဖြစ်အောင် အသုံးပြု တတ်မှ ဥစ္စာစီးပွါးတွေဟာ လိုတာထက်ပိုအကုန်တဲ့အတွက်၊ ဖြုန်းတဲ့သဘော မဖြစ်တော့တဲ့အတွက် တစ်နေ့တစ်ခြား ဒီရေအလားကဲ့သို့ တိုးပွါး စည်ပင်နေမှာပဲ ဖြစ်ပါတယ်။
လောကုတ္တရာချမ်းသာကြီးပွါးကြောင်းတရား ၄ ပါး
၁) သဒ္ဓါသမ္ပဒါ(ရတနာသုံးပါးဂုဏ်နှင့် ကံ,ကံ၏အကျိုးကို ယုံကြည်ခြင်း)။ ။လောကမှာ အမြတ်ဆုံးဖြစ်တဲ့ ရတနာတို့သည် ဘုရား၊ တရား၊ သံဃာတို့ဖြစ်ကြတယ်။ ရတနာသုံးပါးဂုဏ်တွေက ဘာတွေလဲ၊ ထိုဂုဏ်တော်တို့ ရှိတော်မူကြတဲ့အတွက် ကိုးကွယ်ထိုက်တယ်၊ အလေးအမြတ်ပြုအပ်တယ်၊ သံသရာဝဲဒုက္ခမှလွတ်အောင် လမ်းပြတော်မူကြတဲ့ ရတနာမြတ်သုံးပါးတို့ဟာ လောကီရတနာမျိုးစုံတို့ထက် သာလွန်မြင့်မြတ်တော်မူတယ် စသဖြင့် ယုံကြည်မှု သဒ္ဓါသမ္ပဒါ ရှိကြရမယ်။ ရတနာမြတ်သုံးပါး ဂုဏ်တော်တွေကို ယုံကြည်မှ ဘုရားရှင် အဆုံး အမတွေကို လိုက်နာနိုင်မယ်။ တရားတော်ကို သက်ဝင်ယုံကြည်မှ တရားအဆုံးအမစာပေတွေကို အလေးဂရုပြုပြီး ကျင့်ကြံပွါးများအားထုတ်နိုင်မယ်။ ဘုရားသားတော်ရဟန်းသံဃာတော် အရှင်သူမြတ်တွေဟာ လည်း ဘုရားရှင်တော်ကိုစား လက်ဆင့်ကမ်းဆုံးမတော်မူကြတယ်၊ သီလဂုဏ်၊ သမာဓိဂုဏ်၊ ပညာဂုဏ်တို့မြင့်မြတ်တဲ့အတွက် လောကရဲ့ သစ္စာတရားတွေကို ဟောပြောဆုံးမတော်မူနိုင်ကြတယ် စသဖြင့် ကြည်ညိုသဒ္ဓါတရားရှိမှ မိမိတို့အနေနဲ့ အိုဘေး၊ နာဘေး၊ သေဘေးဆိုတဲ့ အကြီးဆုံးဘေးတွေက လွတ်မြောက်နိုင်မှာပဲဖြစ်တယ်။ “သဒ္ဓါတရားက လက်နဲ့တူတယ်”လို့ ဘုရားရှင်က ဥပမာဆောင်ပြပါတယ်။ လက်မပါတဲ့သူတွေဟာ ကိုယ့်ရှေ့မှာ ရွှေငွေဥစ္စာရတနာတွေကို တွေ့နေသော်လည်း ကောက်မယူနိုင်၊ သယ်မသွားနိုင်သလိုဘဲ ရတနာမြတ်သုံးပါးအပေါ်မှာ သဒ္ဓါတရားနဲ့ မပြည့်စုံတော့ အဆုံးအမတွေကို မလိုက်နာနိုင်၊ သံသရာမှ မလွတ်မြောက်နိုင်ဘဲ သံသရာထဲမှာ အဖန်ဖန်ကျင်လည်နေကြရတယ်။ သာသနာတော်နဲ့ ကြုံသော်လည်း သာသနာတော်ကိုမကြိုက်တဲ့ အတွက် သာသနာတော်အဆုံးအမအတိုင်း ဘယ်လိုမှ နေနိုင်မှာမဟုတ်ဘူး။ ဒါကြောင့် သံသရာက လွတ်မြောက်ဖို့ ဝေးနေပါတယ်။ ဒါကြောင့် သံသရာမှလွတ်မြောက်အောင်၊ မလွတ်မြောက်သေးခင်ကြားကာလမှာလည်း ချမ်းသာကြီးပွါးနိုင်ဖို့ရန်အတွက် သဒ္ဓါသမ္ပတ္တိ ဖြစ်နေရပါမယ်။
၂) သီလသမ္ပဒါ(လူတို့စောင့်ရှောက်ကျင့်သုံးသော ငါးပါးသီလနှင့်ပြည့်စုံခြင်း)။ ။ သီလနဲ့မပြည့်စုံလျှင် ခြေမပါတဲ့သူနဲ့တူတယ်။ ခရီးမတွင် နိုင်ဘူး။ သံသရာအဆုံးဖြစ်တဲ့နိဗ္ဗာန်ကို ဘယ်လိုမှမရောက်နိုင်ဘူးဆိုတာ သိထားရပါမယ်။ သီလဆိုတာက ကိုယ်က ကျင့်မှ ရနိုင်တဲ့ တရားဖြစ် တဲ့အတွက် တခြားသူတွေဆီက တောင်းယူလို့လည်းမရ၊ ငှါးသုံးလို့လည်းမရ၊ ခိုးယူလို့လည်းမရနိုင်ဘူး။ တခြားသူကို အငှါးစောင့်ခိုင်းလို့လည်း မရနိုင်ဘူးလေ။ သီလနဲ့မပြည့်စုံတော့ ဘယ်လေက်ပဲချမ်းသာကြွယ်ဝနေသူဖြစ်ပါစေ ပညာရှိတို့ မချီးမွမ်းဘူး။ ရနံ့ကင်းနေတဲ့ ပေါက်ပွင့်နဲ့တူနေ တယ်။ ပါဏာတိပါတကံကို မစောင့်ထိန်းခဲ့တော့ သက်တမ်းစေ့မနေရဘူး။ ကိုယ်လက်အင်္ဂါမစုံလင်ဘဲဖြစ်ကြရတယ်။ ဥပဓိရုပ်လည်း မတင့်တယ်တာကြောင့် လူတောမတိုးနိုင်ဘဲ ရှိနေတတ်တယ်။ အဒိန္နာဒါန (သူ့ဥစ္စာခိုးခြင်း)ကံတွေကို မစောင့်ထိန်းခဲ့တော့ ဘ၀တိုင်း ဆင်းရဲနုံချာ တဲ့ဘ၀ကို ရရှိရတယ်။ သူတစ်ပါးတွေလို ကောင်းကောင်းမစားနိုင်၊ ကောင်းကောင်းမ၀တ်နိုင်၊ ကောင်းကောင်း မသုံးနိုင်တော့ဘူး။ စည်းစိမ်ဥစ္စာ နဲ့ ကြွယ်ဝတဲ့မိဘတွေဆီမှာ လူလာဖြစ်လာသော်လည်း မီးဘေးနဲ့ကြုံလို့ ကိုယ်မွေးလာမှ မိဘတွေ ဆင်းရဲ့သားဘ၀ ပြန်ရောက်ရတယ်။ ကိုယ် ကိုယ်တိုင်ရှာဖွေစုဆောင်းနိုင်လို့ ချမ်းသာကြွယ်ဝလာသော်လည်း အတိတ်ကံက မကောင်းခဲ့တဲ့အတွက် ရန်သူမျိုးငါးပါးကြောင့် ပြန်ဆုံးရှုံးသွား ရတာမျိုးတွေ ကြုံတွေ့ရတတ်တယ်။ ကာမေသုမိစ္ဆာစာရ(သူတစ်ပါးအိမ်ယာပြစ်မှားခြင်း)ကံတွေ ကျူးလွန်ခဲ့မိ တော့ မိန်းမမဟုတ်၊ ယောက်ျား မဟုတ်တဲ့အဖြစ်တွေကိုရကြတယ်။ မိန်းမဘ၀တွေကိုသာ အကြိမ်ကြိမ် ရရှိကြရတယ်။ လင်ကောင်းသားကောင်းမရနိုင်ဘဲ “လင်းဆိုးမယား တဖားဖား”ဆိုသလို ဒုက္ခပင်လယ်ဝေရ တတ်တယ်။ မုသာဝါဒ(လိမ်ညာလှည့်ဖြားခြင်း)ကံတွေကို ကျူးလွန်ခဲ့မိတော့ စကားမပီသ၊ သွားကမညီ၊ လူကြားထဲကျတော့ သိက္ခာရှိရှိမနေနိုင်၊ အသားအရေတွေက ခြောက်ခြောက်ကပ်ကပ်ဖြစ်ရတတ်တယ်။ သုရာမေရယ(သေရည်သေရက်၊ မူးယစ်ဆေးဝါသုံးခြင်း)ကဲတွေကို ကျူးလွန်ခဲ့တော့ အရူးဘ၀၊ ကျပ်မပြည့်တဲ့အဖြစ်၊ စိတ်မငြိမ်ဘဲ ဂယောက်ဂယက်ဖြစ်နေတဲ့ လူ့အဖြစ်တွေကို ရကြရတယ်။ တချို့အရက်သောက်လွန်းသူတွေ စိတ်ဂယောင်ချောက်ချားဖြစ်တာတွေ တွေ့မြင်ကြပါမယ်။ ဒါကြောင့် သံသရာမှာလည်း ဆင်းရဲ၊ နိဗ္ဗာန်နဲ့လည်း ဝေးသထက်ဝေးနေတာမျိုးတွေ မဖြစ်ရအောင် သီလနဲ့ပြည့်စုံအောင် ကျင့်ကြံရမှာပဲဖြစ်တယ်။ ဒါမှ သံသရာမှာလည်း ချမ်းသာကြီးပွါးမယ်၊ နိဗ္ဗာန်ကိုလည်း မျက်မှောင်ပြုနိုင်မှာ ဖြစ်ပါတယ်။
၃) စာဂသမ္ပဒါ(သူတစ်ပါးတို့ကို ပေးကမ်းစွန့်ကြဲခြင်း)။ ။ “ဆုပ်လျှင်ယုတ်၊ ဖြန့်လျှင်မြတ်”ဆိုသလိုပဲ မိမိမှာရှိထားသမျှ စည်းစိမ်ဥစ္စာ တွေကို မပေးရက်၊ မကမ်းရက် ဆုပ်ကိုင်ထားလျှင် သံသရာမှာ ဆင်းရဲကြောင်းလည်းဖြစ်၊ နိဗ္ဗာန်နဲ့မနီးနိုင်တော့ဘူး။ စွန့်ကြဲပေးကမ်းတာဟာ တစ်နည်းအားဖြင့် လောဘကိုသတ်တာပါပဲ။ ဥစ္စာပစ္စည်းတွေအပေါ်မှာ ခင်တွယ်နေတဲ့ တဏှာလောဘတွေမစွန့်နိုင်လျှင်၊ ဒီဥစ္စာပစ္စည်းတွေကို ခင်တွယ်နေလျှင် “လောဘနဲ့သေ ပြိတ္တာပြည်၊ မသွေရောက်တတ်တယ်”ဆိုတဲ့အတိုင်း သေခါနီးမှာ ဥစ္စာပစ္စည်းတွေခင်တွယ်ပြီးသေလို့ ဘေးနားမှာ ပြိတ္တာသွားဖြစ်တာ၊ ဥစ္စာစောင့်ဘ၀တွေ သွားဖြစ်တဲ့အကြောင်းတွေ ဗုဒ္ဓဘာသာအဆုံးအမစကားတွေကို နာကြားမှတ်သား ဖူးကြပါမယ်။ “တစ်စတစ်စ၊ စွန့်ဝံ့မှလျှင်၊ ဘ၀နောက်နှောင်း၊ ဆက်တိုင်းကောင်း၏”ဆိုတဲ့ အဆုံးအမအတိုင်း ရှာထားတဲ့ဥစ္စာတွေအပေါ်မှာ သူတစ်ပါးတို့ကိုလည်းပေးကမ်းစွန့်ကြဲနိုင်ရပါမယ်။ ဒါမှ သံသရာမှာကျင်လည်နေရဦးမယ်ဆိုလျှင် ချမ်းချမ်းသာသာနေရမယ်။ တစ်ဆင့်ထက် တစ်ဆင့် မြင့်သည်ထက်မြင့်နိုင်ပါတယ်။ ဘုရားအလောင်းတော် သုမေဓာရသေ့ဘ၀ ကုဋေ ၁၆၀ ကို နှစ်ဖက်မိဘဘိုးဘွားများက တစ်ဖက် ကုဋေ ၈၀ စီ အမွေတွေ ထားရစ်ခဲ့တယ်။ ဘုရားအလောင်းတော်က စဉ်းစားပါတယ်။ “အဘိုးအဘွား၊ အဖေအမေတွေဟာ ဥစ္စာပစ္စည်းတွေကို ရှာဖွေစုဆောင်းတာကိုသာ လုပ်နိုင်ကြတယ်။ ကိုယ့်နောက်ပါအောင်တော့ မလုပ်နိုင်ကြဘူး။ ငါကတော့ ကိုယ့်နောက်ပါအောင် သယ်ဆောင်သွားမယ်”လို့ တွေးတောပါတယ်။ လိုချင်တာလာရောက်ယူနိုင်ကြောင်း တိုင်းသူပြည်သားအားလုံးကို မောင်းတီးပြီးကြေငြာပါတယ်။ ပေးလုိ့မကုန်နိုင်တာကြောင့် ယူချင်တဲ့သူယူကြ စေဆိုပြီး ဥစ္စာပစ္စည်းအားလုံးကိုထားခဲ့ကာ ရသေ့ဘောင် အမြန်ဝင်ရောက်ခဲ့ကာ အဲဒီဘ၀မှာ ဘုရားဖြစ်ရန် ဗျာဒိတ်ရရှိခဲ့ပါတယ်။ ပါရမီ ၁၀ ပါးမှာ စာဂ-စွန့်ကြဲပေးကမ်းခြင်းနဲ့ စတင်ဖြည့်ခဲ့ပါတယ်။ သံသရာဘ၀တွေမှာ ဥစ္စာကြွယ်ဝရတာ၊ ချမ်းချမ်းသာသာနေရတာ၊ မရှိဆိုတဲ့စကား မကြားရတဲ့ဘ၀တွေရရှိတာတွေဟာ စာဂသမ္ပဒါနဲ့ ပြည့်စုံမှသာ ရရှိနိုင်တဲ့အကျိုး တရားတွေပဲဖြစ်တယ်။ နောက်ဆုံး နိဗ္ဗာန်အထိ ချမ်းချမ်းသာသာ ပေးဆောင်နိုင် ပါတယ်။
၎) ပညာသမ္ပဒါ(အမှားအမှန် ဝေဖန်ပိုင်းခြားနိုင်သောအသိပညာနှင့်ပြည့်စုံခြင်း)။ ။ပညာဆိုတာ အမှောင်ထဲမှာ အလင်းရောင်ထွန်းပြီး မမြင်နိုင်တာတွေကို မြင်ရသလို၊ နေမင်းရဲ့အလင်းရောင်ဟာ ကမ္ဘာလောကတစ်ခုလုံးကို ထွန်းလင်းတောက်ပနေသလို၊ မှောက်ထား တဲ့အရာတစ်ခုကို လှန်ပြလိုက်တဲ့အခါ ဘာလဲဆိုတာကို သိမြင်ပြီး သံသယတွေကင်းပျောက်သွားသလို ပညာဟာလည်း အမှားကို အမှားမှန်း သိသွားတဲ့အခါ၊ ယုံမှားသံသယစိတ်အညစ်အကြေးတွေ ကင်းစင်လွင့်ပျောက်ပြီး စိတ်တွေ ကြည်လင်မှု ရရှိသွားတယ်။ နှောင်ဖွဲ့တတ်တဲ့ တရားတွေကို အာရုံကိုအာရုံမှန်းသိတာကြောင့် ငြိတွယ်မှုမရှိဘဲ တဏှာကင်းတဲ့စိတ်၊ လွတ်မြောက်တဲ့စိတ်ဖြစ်စေတာလည်း ပညာပဲဖြစ်တယ်။ မဖောက်မပြန် မှန်မှန်ကန်ကန်နဲ့ သစ္စာလေးပါးကို ထိုးထွင်းသိမြင်လိုက်ပြီဆိုရင်တော့ သံသရာမှလွတ်မြောက်တဲ့ ပညာဉာဏ်နဲ့ပြည့်စုံသွားပါပြီ။ အမှားလား၊ အမှန်လားဆိုတာကို ခွဲခြားတတ်တဲ့ပညာမရှိရင် အမှားကိုလည်း အမှန်ထင်၊ အမှန်တရားကိုလည်း အမှားလို့ မြင်နေတတ်တဲ့ အတွက် မှားပြီးရင်းမှားကာ အ၀ိဇ္ဇာအမှောင်ဖုံးပြီး တဏှာကြောင့် ဘ၀ဒုက္ခတွေ အကြိမ်ကြိမ် အဖန်တလဲလဲကူးပြောင်းနေပြီး ခန္ဓာပြောင်း သေနေရတော့တာပါပဲ။ ဒါကြောင့်မို့ ပညာဉာဏ်နဲ့ပြည့်စုံမှ အမှားကင်းပြီး အလင်းပေါ်နိုင်မှာပဲဖြစ်တယ်။ ပညာထက်မြတ်သောတရား မရှိဘူး။ ပညာဟာ တရားအားလုံးရဲ့ အထွတ်အမြတ်တရား၊ တဏှာပိုက်ကွန်ကို ဖြတ်တောက်နိုင်တဲ့တရား၊ ဒုက္ခအပေါင်းမှ လွတ်မြောက်စေတဲ့တရား၊ တဏှာအားလုံး ပြိုကျအောင် ဖြိုခွင်းနိုင်တဲ့အတွက် ဒုက္ခအဆုံးနိဗ္ဗာန်ကို ရောက်စေလို့ ပညာထက်မြတ်တဲ့တရား မရှိတော့ဘူး။
တရားချစ်ခင်သူတော်စင်များအားလုံး လောကီ၊ လောကုတ် နှစ်ဖြာချမ်းသာကြီးပွါးကြောင်းတရားတို့ကို ကြိုးစားအားထုတ်ပြီး နိဗ္ဗာန်သို့ လျှင်မြန်စောစွာ မျက်မှောက်ပြုနိုင်ကြပါစေ။
(ဣဒံ မေ ပုညံ၊ အသ၀က္ခယံ ၀ဟံ ဟောတု။)
PrintPDF
ဗုဒ္ဓနေ့ပွဲတော်နှင့် ပါရမီကျင့်စဉ်များ
PrintPDF